ساعدوا الشيف حسين بمبادرته…600 وجبة للنازحين يومياً

الشيف الجنوبي الشهير حسين فياض بلّش مبادرة لدعم النازحين من خلال الشي اللي بيحبه: الطبخات البيتية. ومع أكتر من 3 مليون متابع على إنستغرام، عم يستخدم منصته ليجمع تبرعات ويحضّر وجبات يومية للعيل النازحة.

مع وجود أكتر من 1.2 مليون شخص نازح بلبنان، كتير من المبادرات عم تواجه صعوبة بتلبية الطلب على الوجبات اليومية، خصوصي إنو مراكز الإيواء وصلت لقدرة استيعابها القصوى.

حسين عم يكرّس وقته ليضمن إنو الوجبات اللي بتوصل للنازحين تكون طيبة ومغذية، مع التركيز على أكلات من عاداتنا بالبيت مع العيلة، ليعطي شعور ولو صغير بالراحة والدفا بهالأيام الصعبة.

هلق عم يجهزوا أكتر من 600 وجبة بالنهار، والمبادرة عم تحاول تواكب الطلب المتزايد، خاصةً إنو كتير عيل عم تعتمد على هالأطباق اليومية.

إذا حابب تتبرع:

عبر WHISH، Western Union، أو OMT:
الرقم: 346 776 78
الاسم: حسين فياض

عبر FundAHope:

اكبسوا هون لرابط حملة التبرعات

وفيك كمان تتابع حسين فياض على إنستغرام وتشارك مبادرته لتوصل لأكبر عدد من الناس.

شوفوا كمان:

بدكن تتطوعوا؟ فرص تطوع لدعم النازحين قسراً بلبنان