افتتاح معرض جبيل بباريس…لبنان يروي تاريخه للعالم
افتتاح معرض “جبيل، المدينة القديمة” بباريس حدث مميز بيجمع بين الثقافة والتاريخ، وبيعكس عمق العلاقة بين لبنان وفرنسا. هالمعرض تم افتتاحه بمعهد العالم العربي بحضور الرئيس الفرنسي ماكرون. بيقدّم حوالي 400 قطعة أثرية بتروي قصة احدة من أقدم المدن المأهولة بالعالم.
جبيل مش بس مدينة قديمة، هي شاهد حي على آلاف السنين من الحضارات يلي مرقت ع لبنان. من حوالي 8900 سنة قبل الميلاد، لعبت دور مهم كمرفأ أساسي بيربط الشرق بالغرب، من مصر لليونان لبلاد ما بين النهرين. معرض جبيل بيحاول يفرجي هالمتاريخ الحافل، من خلال آثار نادرة واكتشافات جديدة، متل البوابة الجنوبية للمدينة ومقبرة من العصر البرونزي عم تنعرض لأول مرة.
كمان، اللافت بهالمعرض إنو تنظيمه ما كان سهل أبداً. نقل القطع الأثرية من بيروت تم بظروف صعبة وخطرة، خاصة مع الأوضاع الأمنية الحالية. هيدا الشي بيبيّن أديه في إصرار وتعاون بين الفرق اللبنانية والفرنسية ليحافظوا على هالإرث ويوصلوه للعالم.
ماكرون بكلمته شدد على دعم فرنسا للبنان، وحكى عن صمود الشعب اللبناني وأهمية الثقافة كوسيلة للتقارب والسلام. ومن جهته، وزير الثقافة اللبناني أكد إنو حماية التراث ما بتكون بس بالحفاظ على الحجارة، بس بالحفاظ على الروح والهوية.
المعرض مستمر لغاية 23 آب، وهو فرصة مهمة ليشوف العالم غنى تاريخ لبنان، ويذكّر الكل إنو رغم كل التحديات، لبنان بعده حامل حضارة عظيمة لازم نحميها ونحافظ عليها للأجيال الجاية.
