هالكافيه عم يعمل “يوم تضامن” لدعم النازحين…تبرعات وسوق!

رغم كل شي عم بيصير، منفرح لما نشوف كيف في محلات عم تدعّم و تساعد النازحين بأي طريقة. هالسبت، الكافيه البيروتي المحبوب Levant رح يستضيف “يوم تضامن” بفرعو بـBrazzaville بجسر الواطي. هون كيف فيك تشارك وتساهم بجهود الإغاثة.

Levant عم يتعاون مع براندات محلية لفعالية جمع التبرعات (pop-up)، وبيعطيك فرصة تتسوّق لسبب إنساني. من بين البراندات المشاركة: Shams، WhyNatt، been there done that، وTakasis، ومعهن كتير غيرهن عم يعرضوا منتجات مميّزة.

وإذا خلصت تسوّق، فيك تشارك بورش العمل يلي عم تصير. البرنامج بيتضمّن تطريز على الصور، مساحة إبداعية للولاد، وجلسات عن استجابة الجهاز العصبي وأدوات التعبير العاطفي. فرصة تتعلّم شي جديد وتدعم بنفس الوقت جهود الإغاثة للنازحين.

كل العائدات من الفعالية وورش العمل رح تروح مباشرة لدعم العيل النازحة. كمان رح يحطّوا صندوق تبرعات لتقدّم تياب، ألعاب، أدوات مطبخ، أو غيرها من الأساسيات.

شوفوا قسم دعم لبنان ع الموقع للمزيد من المبادرات.

شوفوا كمان:

كميون الحب…شاحنة لتوزيع الأكل والأدوية لأهلنا النازحين