مبادرة إيواء مؤقت وآمن لقطط النازحين، تعرفوا هون
بسبب الظروف الصعبة يلي عم نعيشها، كتير عيل اضطرت تهجر بيوتها وتترك وراها كل شي، ومن بينها القطط يلي ما عاد عندها مكان آمن. هون بيجي دور مبادرة Meow Haven من قلب صيدا: حماية القطط وتأمين مأوى آمن ومؤقت إلهن لحد ما يتحسن الوضع ويقدروا أصحابهن ياخدوهن.
مبادرة بلشت مع وائل عواضة ورفقاته بإيواء القطط، وحتى صاروا يروحوا للمناطق المدمرة وينقذوا القطط العالقة، ويعتنوا فيها بكل حب ورعاية.
المبادرة مش بس إيواء، كمان بتقدم كل الاحتياجات اليومية للقطط: أكل، مي، رمل، وحتى متابعة طبية إذا احتاجت. وكل هالشغلات بيتم تقديمها مجاناً لأي شخص نازح وما عنده مكان لقطته. يعني، إذا كنت مضطر تترك بيتك وما بتعرف وين تحط قطك، Meow Haven جاهزة تاخده مؤقتًا وتعتني فيه لحد ما ترجعوا لبعض.
بس الأكيد إنو رعاية هيك عدد كبير من القطط مش سهل أبداً. المصاريف اليومية كتيرة، وبدن دعم حتى الجهود تستمر. دعمكن يعني إنو قطط كتير رح تضل بأمان وما تضطر الظروف القاسية.
للتبرع عبر Whish على الرقم: 129 697 76، أو تتابعوهن هون.
بتلاقوا عنوانهن بمنطقة عبرا – صيدا، اكبسوا هون لتعرفوا وين بالزبط.
