بظل الحرب…معرض لنحكي ونتذكر بمتحف بيت بيروت!
بهيك أوقات صعبة، قرّر متحف بيت بيروت يفتح معرض «احكيلي» بهدف الحفاظ على الحوارات والمساحات الثقافية خلال الحرب. مشروعهن الجديد بعد ألو، بيروت؟ هو مساحة بتشجع على النقاشات حول الذاكرة الشخصية والجماعية.
«احكيلي» كمان عم يشتغل على نشاطات للشباب النازحين الموجودين حالياً بمراكز إيواء وأحياء قريبة. بس هيدا شو ممكن تتوقعوه إذا زرتوهن.
شو ناطركن بمتحف بيت بيروت:
ألعاب ومحطات إبداعية
الزوار فيهن يستمتعوا بنشاطات عملية و استكشاف فني بالمحطات الإبداعية والألعاب بالطابق الأرضي. هيدي المحطات متوفرة يومياً من التلاتا للسبت، من الساعة 10 الصبح للساعة 4 بعد الظهر.
ورشات يومية
HKEELI بتقدّم ورشات كل يوم من 10 الصبح للـ4 بعد الظهر، لتخلي الزوار يتعلموا مهارات جديدة، يجربوا مشاريع إبداعية، ويتفاعلوا مع المعرض بشكل عملي.
أفلام لأطفال
الولاد فيهن يحضروا أفلام كل يوم الساعة 2 بعد الضهر، وهو نشاط ممتع وهادي للصغار.
جولات إرشادية
جولات مع مرشدين يومية بتصير الساعة 10:30 الصبح و1 بعد الظهر، لتعطي نظرة عن المعرض، قصصه، والسياق التاريخي لبيت بيروت.
جلسات سرد القصص
كل جمعة الساعة 1 الظهر، بتصير جلسات رواية القصص للأطفال من عمر 5 لـ7 سنين. هالقراءة التفاعلية بتحيي القصص وبتشجع الخيال.
ورش التفكير النقدي
المراهقين اللي أعمارهن بين 14 و16 سنة فيهن يشاركوا بورش التفكير النقدي كل نهار أربعاء الساعة 1 بعد الظهر، وهيدي الورش مصممة لتشجيع النقاش و التحليل و التفكير العميق.
الوصول للمساحات الثقافية وحمايتها مهم كتير بهالأوقات الصعبة، لأنها بتعطي منصة لتستمر النقاشات عن الحرب، التضامن، والذاكرة الجماعية. HKEELI ببيت بيروت مش بس بيقدّم نشاطات تعليمية و إبداعية للشباب، كمان بيتأكد إن القصص، التاريخ، والدروس من ماضي لبنان بتضل حاضرة بوعي الناس.
إذا عندكن أفكار وحابين تساهموا، فيكن تتواصلوا معن على 534 773 78. ما تنسوا تتابعوهن على إنستغرام لتعرفوا المزيد.
