سيدة لبنانية تدمر بيتها وبقيت شجرة الكريسماس…”نوعيتها 10 ع 10!“

صار موقف غريب بعد الغارة على بيت سيدة لبنانية. كل شي اتدمر بالبيت… إلا شجرة الكريسماس اللي كانت شاريتها من محل الورد “أزهار لارا” بالجناح.

من بعد الغارة، السيدة تواصلت مع المحل لتخبرن بهضامة: “يعطيكم العافية، إن شاء الله الكل بخير وما حدا صارلو شي. بس بدي قلكن شي… أنا اشتريت من عندكن شجرة على كريسماس وتركتها بالبيت، ولما انقصفت البناية، ما بقالنا شي من البيت إلا هالشجرة!” المحل نشر هالحديث ع صفحتن كلفتة مهضومة وسط كل هالحرب.

يعني تخيلوا، كل شي اتدمر، كل شي صار تحت الركام، بس هالشجرة بقيت صامدة. وعلّقت كمان على الجودة: “النوعية 10 ع 10… يعني الصاروخ ما نزلها للشجرة… مرسي كتير!”

مع إنو السيدة خسرت بيتها، بس لقيت شي مهضوم تتعلق فيه. الله يعوّضها، وإنتوا صرتوا تعرفوا العيد الجاي من وين تجيبوا شجرة الكريسماس!

شوفوا كمان:

بعد الدمار… صاحب أوتيل بالناقورة بيتوعد بإعادة إعماره!