هيدي أسعار تذاكر تلفريك جونية الجديدة بلبنان

كلنا منعرف أديه الإقبال الكبير على زيارة حريصا والاستمتاع بالمنظر الخيالي من التلفريك فوق جونية. وبآخر الأخبار، أعلن تلفريك جونية عن التسعيرة الجديدة لوحدة من أشهر التجارب السياحية بلبنان. فيكن تختاروا بين تذكرة ذهاب أو ذهاب وعودة، بتشتروها من محطة جونية تحت أو من محطة حريصا فوق. السعر بيشمل مش بس التلفريك، كمان الفونيكولار اللي بيكمل فيك الطريق لحد مزار سيدة لبنان، يعني تجربة كاملة من أولها لآخرها. خلونا نتعرف سوا على أسعار تذاكر تلفريك جونية الجديدة بلبنان 2026. 

الأسعار:

الكبار: 

ذهاب: 700,000 ل.ل. – ذهاب وعودة: 1,100,000 ل.ل.

الصغار: 

ذهاب 400,000 ل.ل. – ذهاب عودة: 600,000 ل.ل.

أسعار مخفّضة للبنانيين:

الكبار: 

ذهاب 500,000 ل.ل. – ذهاب وعودة: 700,000 ل.ل.

الصغار: 

ذهاب 250,000 ل.ل. – ذهاب وعودة: 400,000 ل.ل.

أسعار لعناصر الجيش والدفاع المدني مع عيلتن المباشرة:

ذهاب 200,000 ل.ل. – ذهاب وعودة: 300,000 ل.ل

الأطفال تحت الـ8 سنين بيطلعوا ببلاش، بس لازم يكونوا مع شخص بالغ. 

رغم إنو الأسعار ارتفعت شوي مقارنة بقبل، بس بعد في ناس بتشوف إنو التجربة بتستاهل، خاصة مع المناظر الخلابة والجو الخيالي بحريصا. خبرونا، شو رأيكن ب أسعار تذاكر تلفريك جونية الجديدة بلبنان؟

شوفوا كمان:

هيدي شركات الطيران يلي راجعة ع مطار بيروت