٥ محلات مميزة لازم تزوروها بلبنان

نظراً للظروف الصعبة يلي كانت مرافقتنا هاي السنة، أكيد النفسية بالأرض. بس نحن حابين نغيرلكن جو شوي مع مجموعة محلات خرج مشوار حلو. شوفوهن معنا:

١. قهوة Agonist

هاي القهوة عندها أهضم فريق عمل. بتوظف ناس ذو إحتياجات خاصة وبتأمنلن فرص عمل. عندن فرع بفردان بعده مسكر وفرع بالزلقا جاهز ليستقبلكن ويغيرلكن المود.

٢. هوم سويت هوم

إلي بيتذكر هوم سويت هوم بشارع مار مخايل يعني بيعرف أديه هيدا المحل بروق الأعصاب. نقلوا هاي الصيفية على برمانا وعملوا قعدة بتاخد العقل.

٣. أوك تاون

ما في شي متل قعدة بالطبيعة ونشاطات حلوة بتغير جو.

٤. كافيه كوكو

كافيه كوكو موجودة بفرن الشباك وبتقدم أطيب قهوة وسعر رخيص. وبس تتعرفوا على كوكو رح تعرفوا ليه هاي الكافيه من القهاوي المفضلة النا.

٥. ريفر زين

متل القعدة بالطبيعة، القعدة حد النهر كمان بترد الروح. صوت المي الجارية وحفيف أوراق الشجر والبرود والطقس الحلو. بتنسوا كل همومكن هون!

وانتو وين بتروحوا لتغيروا جو؟