برغر شاورما زيادة ثوم، بتجربوها؟

تخايلوا لو أطيب أكلتين بالعالم اجتمعوا، شو بيصير؟

مطعم أبو ديب بمدينة صور حب يجرب هاي الفكرة، فعمل البرغر شاورما ليرضي عشاق الاثنين. ونحنا شخصياً كتير راضيين.

البرغر شاورما إختراع لازم تجربوا، حتى لو بدكن تسوقوا ساعة ونص على صور من بيروت أو أكتر. صدقونا المشوار محرز.

أبو ديب معروف بالشاورما عنده يلي كتير بيعتبروا انها أطيب شاورما دايقينها.

الجديد إنو الشاورما كمان صار بحطها بخبزة برغر وبزيد عليها بطاطا، كبيس، وكتييييير ثوم.

النتيجة هي لقمة بتشهي مليانة طعمة. ما فينا نخبركن أكتر من هيك، لازم انتو تجربوها.

شو؟ بتعملوها؟