وين فيكن تلاقوا محل حنا متري الجديد؟ خلينا ندلكن

في ناس بتحب تاكل بوظة بالبرد، ونحنا منن.

بس البوظة ما بتنجاب من وين ما كان، وما بتتاكل غير من عند الملك حنا متري.

حنا متري إشتهر ببوظته الغير شكل ومحله الي على قده يلي كانت الناس تقصده من آخر الدني.

فتح محله سنة ١٩٤٩ ومن وقتها لهلأ هو بيعمل أطيب بوظة.

للأسف بإنفجار بيروت، إتدمر المبنى يلي كان في حنا متري، ورجع هبط على الشتاء. مع إنو ضاين هيدا المبنى ١٥ سنة حرب أهلية، ما قدر يضل على اجريه بهاي الكارثة.

كم من مرة تذوقتم البوظة من عند حنا متري .. كم من مرة وقفتم خارج متجره لاكل اطيب بوظة ب #لبنان
المبنى انهار بس حنا متري انتقل الى شارع السيدة .. pic.twitter.com/vJPIyjz2hG

— Larissa Aoun (@LarissaAounSky) November 19, 2020

كرمال هيك نقل محل حنا متري وصار على شارع كنيسة السيدة بالأشرفية. ما تنسوا تزوروا وتقولوله الحمدالله على السلامة لأنه هو ووالدته كانوا بالمحل وقت الانفجار، وأكيد تدعموه.