أنواع اللبنانية على راس السنة

بمناسبة السنة الجديدة، بدنا نذكر الكل إنو ينتبهوا على حالن وما يختلطوا بناس كتير، ويتفادوا العجقات هاي السنة كرمال صحتن وصحة يلي بحبوهن.

كل حدا عنده شخصيته المميزة بالحياة، بس ع راس السنة، فينا نجمع أنواع الأشخاص بلبنان بسهولة. انتو أية نوع؟

١. إلي ببلشوا يسألوا “شو عاملين على راس السنة؟” من قبل ب ٣ أشهر

أنا لبكرا ما بعرف شو بدي آكل.

٢. إلي بتقطع الكهرباء عنده على الساعة ١٢

هاي كلنا مارقين فيها.

٣. إلي بقضيها علقان بالعجقة

وبقضيها على الطرقات وبالسيارة وبيطلع دينه وببطل بده يحتفل.

٤. إلي مجبور يكون مع العيلة

رفقاته عم يحكوه ليشوفوا وين صار وهو قاعد بين التيتا والجدو ما قادر يتحرك.

٥. إلي حيضل بالبيت ولا فرقانة معه

ولا سنة جديدة ولا قديمة بتفرق معه.

٦. إلي بقول “الجديد” كل ما يجي تيليفون بركي بيربح شي

بس ولا مرة زبطت معه.

٧. إلي مفلس بس مصر يحتفل

ما معه مصاري يروح على حفلة ف بزبط حاله وبيحضرها على الTV.

٨. إلي متشائم من السنة الجديدة

قلنا ال ٢٠٢٠ حتكون أحسن من ال ٢٠١٩، قام خلتنا نترحم على ٢٠١٩ ولي فيها. الله يستر من إلي جايي.