٢١ شغلة لازم تعرفها قبل ما تتعرف على بنت من الشمال

البنات الشماليي أطيب قلب وأجمل خلقة، بس في قصص ما حدا بيفهم فيها علين غير هني.

1- بدك وقت للتعود على كيف بتحكي: بدك كركي؟ إيش في، إيش صور؟ يي ما أهضما تايتا عبتلك أكل بالأطرميز! يي ما أطيبيك، جايي بالشحيطة.

2- رح تتخانقك على مين ضيعتو أحلى: حبيبي ضيعتي أجمل ضيعة بالعالم.

3- رح تتحمس ترجع على البيت معا وتقضوا مشوار السيارة سوا لأنها كتير بتحكي وما بتسكت وبتسليك وبتغنجك كمان.

4- رح يطيروا عقلاتك: مفكر لهجتها كتير قوية هي وعم تحكيك، بتبقى بتكتشف قدي قويي بس تكون عم تحكي مع رفقاتها من الشمال.

5- رح تسير تاكل كبة بشحمة مع كل شي: شو الأكل اليوم؟ سمك ومعي كبة.

6- رح تعيطلك يا قلبي ويا روحي كل خمس دقايق: شو بعمل كتير بحبك.

7- أهلا رح يحطوك تحت الإختبار كل مرة بتزورون: دخلك يا ايني إنت شو بتعمل وقدي معاشك؟

إبن مين؟ من أيا ضيعة؟ شو إسما ستك لي توفت؟ وجدك؟ قدي إلك بتعرفوا للبنت؟ حاكي مع بنات قبل؟إيا حزب إنتو بالعيلة؟ بتاكل شنكليش؟ (تعا محضر حالك نفسياً مش عارف شو ناطرك).

8- هيي كتير رح تهتم فيك، يعني نيالك رح تاخد اهتمام وكتير حب.

9- عيلتا أهم شي: منشوف أهلي بالأول منرجع منروح لعند أهلك.

10– بس تتعرف على أهلا وأصحابا رح تصير تاخد كتير حب وبوسات وأسئلة وكل شي بيخطر عبالك وأكيد رح يدخلوا بقصص ما خصن فيا: يي إنت عنا تعا لبوسك، أيا أحلى هون ولا ضيعتك، هون أحلى ما هيك؟

11- رح تسمع كل أهلا وأصحابا بالضيعة بلشوا يحكو بالعرس: العرس أيمتى؟ بدنا نعملوا بساحة الضيعة أكيد! أوعا… يا ويلك ويا سواد ليلك إذا بتقول ما بدك تتجوز أو منك مأكد من الموضوع بتروح عليك وبتنشحط من الضيعة، مفكر ستا رح تقلك أكيد يا ابني حقك تفكر إذا بدك تتجوز أو لاء.

12- بتطبخ كتير منيح بس مش رح تقلك لما تصير تطلب منا أكلات وطبخات.

13- منك بحاجة تجيب جاكيت لأنها أكيد مخبياتلك وحدة بالبيت عندها.

14- ما في لزوم تعتل هم بس تعرفها على رفقاتك وأهلك وناسك، رح تجوي مع الكل وتحكي الكل.

15- بالمطعم رح تطلب أكتر من سلطة هي على الأكيد.

16- بتحب عيلتها الصغيرة والكبيرة كتير وإنت كمان لازم تحبن.

17- بحياتك ما تتمسخر على طريقتها بالحكي ولهجتها: بتاكلا

18- بنات الشمالية بيجو قلبن طيب بس كتير شخصيتن قوية: يعني نتبه على حالك.

19- ولا مرة تنق قدي على قدي بتاخد معك وقت الطريق لضيعتها: بلعا وسكوت.

20- رح تاكل كتير ببيت أهلها والمطبخ عطول مفتوح وممنوع تفل قبل ما تاكل لتنتفخ.

21- قلبا كتير كبير: وقت مصيبتك أول حدا بتلاقي واقف حدك.