٢٨ شغلة رح يصيروا معك بس تعرف إنك مهاجر من لبنان

عبالك تعيش هل لحظات؟

1. أول شغلة بيعملوها أهلك إنو بحملو معك كل شي أكل من لبنان بتابرويرات: شنكليش وزعتر وقرنفل وزهورات.

2. أكيد ممنوع تفل بلا ما تاخد لبنة ومربا شغل دياتا لإمك.

3. أكيد إمك ما رح تصدق إنو فيك تشتري حمص وتبولة وين ما كان رح ضل تعبيلك لتفول الشنطة.

4. وأكيد إمك رح تحط معك مسابح وكتب صلاة.

5. بيك رح ياخدك برمة عند القرايبين لتودع الكل.

6. أكيد رح يعملوا عزيمة على الغدا يعزموا فيا العيلة الكبيرة يودعوك.

7. رح يدقولك ناس ما كنت عارف قرايبينك ويباركولك.

8. الجارة رح ضل ملزقة عندكن تسألك عن المعاش لي رح تاخدو.

9. بالنسبة لعمك، لازم ضل تتعلم من ولاد عمك لو سافرت لأن على طول أفهم منك.

10. أكيد إمك هيي رح ضب الغراض وتبكي وما رح تخليك تدقر شي.

11. إمك رح تكون حافظة وقت الطيارة أكتر منك وبيك رح يصرّ إنك تنزل قبل ب3 ساعات على المطار لو بدك تتفرج على الناس كرمال العجقة.

12. بيك رح يضل يسمعك نفس الجملة: أوعى ضيع الباسبور.

13. أكيد إمك رح تبلش البكي قبل موعد الطيارة بشهر: يا شحاري أنا كيف بدك تبقى لحالك، شو بعمل أنا إذا مرضت.

14. أكيد في وعظة من التيتا قبل ما تفل لتخبرك كيف لازم تحافظ على حالك وما تنجر: بتحس لازم تحط وائل كفوري.

15. أكيد رفقاتك رح يعملولك حفلة وداع وتكون مفاجأة.

16. الجيران رح يجو يسألوك كيف دبرت حالك وإذا فيك دبر إبنا لتانت ساميا معك: والله إنت متل إبني يا تانت.

17. رح تصير حديث الحي على شي شهر: إي والله دبر حالو، ودبرها لإمو شو عبالها.

18. إختك رح تكون ناطرة الهدايا تبع أول معاش.

19. أكيد أول شي رح تسمعوا من الناس بس تقول إنك مسافر: دولاررررر.

20. وأكيد بيك بيعرف حدا مطرح ما إنت رايح وبصير يجبرك تحكي معن وتصيرو رفقة: بابا لازم تكون تعرف حدا لسمح الله صار شي يكون إلك سندة.

21. رح تحس لأول مرة بالسخن وتبلش تفكر بكل شي من الأول: رح اشتاق.

22. رح تفكر كيف بدك دبر حالك من دون أهلك: ما بتعرف تجلي ولا تطبخ ولا تكوي ولا تعمل شي: 😢

23. أهم شي إنك رح تبطل تسمع أخبار ويصير آخر همك قدي الدولار وإذا رح تجي الكهربا أو رح يظبط البلد من الأساس.

24. رح تعمل برمة على كل مناطق لبنان وتحس لبنان حلو.

25. رح تبلش تنظير: لبنان حلو بس الشعب ما بيعرف يتصرف.

26. رح تطلع على الضيعة لآخر مرة وتاكل منقوشة صاج من فرن عمو كريكور ودمع.

27. بس تنزل على المطار، على الوصلة بدها إمك تصورك فوق ال25 صورة وبدها تتصور معك كمان وكل شي بدو ينزل فايسبوك ما في مجال.

28. رح تودع أهلك وهني يضحكو بس الدمعة مخباية وتقول بقلبك: رح اشتاق كتير وقلبي يحترق بس صار لازم فل!