٢٩ كلمة بتسمعها من بيك بس يكون معصب

أكيد ما في حدا أشطر من إمك بالجوابات وكب السم بس تكون معصبة بس بيك كمان منو هين خاصةً بالرد خاصةً بس يكون معصب من الشغل.

1. بدك تسمع نكتة؟

سمعنا سكوتك.

2. مبسوط؟

إي تعا لإبسطك على المظبوط.

3. بابا ما عملت منيح بالفحص

لمين طالع حمار إنت؟ أكيد لأهل إمك.

4. بي رفيقتي قلي أعمل هيك:

شو هوي بيفهم أكتر مني؟

5. بابا أنا ضاهر

لشو تقعدو معنا شي نهار.

6. لاء بابا مش مظبوط

عم تجاوب يا ولد، بدي أعرف لمين طالع بلا مربى.

7. تعبان

إي خليك هيك، أنا بعمرك كنت إنطح الحيط.

8. بدي مصاري

بدي أعرف شو بتعمل بهل مصاري، وين بروحو؟

9. بابا أنا عم بحكي مع حدا

الله يساعد لي بدو يتجوزك.

10. ضاهر اليوم

إي لازم تضهر كل يوم لأن مكبوت يا حرام.

11. رح إضهر بلا كمامة

لي ناويين تقتلوني؟ بدكن تخلصوا مني ومش عارفين كيف.

12. عبالي إشتري تلفون جديد

عبالي الله يريحيي منكن ومن طلباتكن.

13. بابا بدي إرجع عيد الcourse بالجامعة وبدك ترجع تدفعلي تسجيل

الله ياخدني ويريحني.

14. ضاهر مع صاحبتي

ما زهقت منك بعد؟

15. كتير بتحبني هل بنت

بكرا بس تعرفك على حقيقتك منشوف كيف كتير رح تحبك.

16. بابا عم بحكي مع شب

عرفينا علي لشوف أصلو وفصلو (عرفيني علي لشوف كيف بدي كب سم علي).

17. بدي إطلب delivery

ما عندك شي بحياتك غير الأكل؟

18. بابا فيي أخد السيارة اليوم وقلع شوي

لاء بس فيك تاخد غراضك وكلاكيشك وتقلع من هون.

19. رايح نام

إي صار بدا نومة عم تتعب كتير يا حرام.

20. بدي روح على الأوضة

إي تفضل شيل صحنك وجلي قبل.

21. بابا شو بضل تجيب معك على البيت قصص ما مناكل منا

ما خرجكن شي إنتو.

22. ما بدي روح على الجامعة اليوم

أكيد رح تسقط كل شي.

23. بحبك كتير بابا

إي منيح.

24. بدي صرافي

فوت خود من جيبتي.

25. بابا عايزيتك ضروري

منحكي بعدين رح تبلش الأخبار.

26. بابا مني عارف شو بدي أعمل اختصاص

لك أن بس كنت بعمرك كنت مجوز وعم اشتغل وطعمي تلات ولاد.

27. بابا أكيد ما بدك نبقى معك

لا لا روحو انبسطوا (هاي يعني ما حدا بالو فيي).

28. بابا ضاهرة أنا

لا ما تروحي سقعة برا.

29. بابا عم فكر جيب هاي

مندرسا منبقى.