أطيب محلات اللحم بعجين بلبنان

عبالك ترويقة ملكية؟ شوفوا هل ٨ محلات لي بيعملوا أطيب لحم بعجين بالبلد.

1. عبد الرحمان الحلاب، كافة الفروع

الحلاب عندو أطيب حلو وكمان لحم بعجين طرابلسية غير شكل مع دبس الرمان، شي كتير طيب بتحسوا بالحب فيا.

الرقم: 881 501 01

2. مزارع لقيس، شتورا

هل محل بيعمل أطيب صفيحة بالبقاع مع صلصلة غير شكل.

الرقم: 490 542 08

3. فرن بعينو، صربا

بيعملوا لحم بعجين كتير طيبين مع تتبيلة غير شكل.

الرقم: 544 225 09

4. إمبراطورية اللحم بعجين، حراجل

العجينة روعة، اللحمة طرية وشهية ومغطسة بالحامض والبهارات والخضرة ودبس الرمان وغيرها من المكونات السرية! ولا أطيب!

تواصلوا معن على هيدي الصفحة.

5. مطعم غزار، برج حمود

لحم بعجين بتشهي وبيعملوا 8 أنواع لحم بعجين، تخايلوا: لحمة بلبن، لحمة مع دبس الرمان، لحمة مع سجق، لحمة مع بسطرمة، لحمة مع بتنجان ولحمة مع فطر وحر، لحمة وبطاطا واللحمة العادية.

الرقم: 708 242 01

6. الفرن اللبناني، الأشرفية

منقوشة لحم بعجين رق الورقة، أطيب ترويقة مع حامض ورشة ملح وصحن لبنة بلدية.

الرقم: 807 337 01

7. فرن إيشخانيان، بيروت/ الزلقا

ما في أطيب من اللحم بعجين على الطريقة الأرمنية مع قرن حر وبصل وكاسة لبن: شي خوات!

الرقم: 586 717 04

8. فرن مرشاق، البترون

لحم بعجين كتير طيبة وتراثية مع كاسة عيران وزيتون وبندورة.

الرقم: 050 740 70