١٢ مطاعم شتوية مع قعدة مكنكنة ودافية بلبنان

بهيدا الطقس البارد، أحلى جمعة عائلية بتكون حول السفرة اللبنانية والموقدة والنار وكاس النبيد، وكرمال هيك جمعنالكن المطاعم لي عندن قعدة شتوية بتاخد العقل ولقمة طيبة. هل أسبوع بدل ما يكون عندكن نشاطات مملة وروتينية، شوفوا واحد من هل مطاعم تروحوا علين مع لي غاليين على قلبكن.

1. منير، برمانا

هوي المكان الأفضل لتقضوا نهار هادي ومميز مع العيلة وتستمتعوا بالمطبخ اللبناني.

الرقم: 900 873 04

2. جبل المكمل، الضنية

هوي المكان المناسب لقضاء وقت ممتع مع العيلة والأصحاب ولودقوا اللحمة الجبلية والحلاوة بالرز.

الرقم: 073 433 03

3. فريدة، عجلتون

ما تروحوا فرصة الإستمتاع بأجواء شتوية هادية من إطلالات فريدة الخارجية والداخلية والأكل الطيب. وكمان في مكان خاص بولادكن برا بالجنينة إذا كان الطقس بيسمح ومأمن بالكامل لينبسطوا وبيبسطوكن.

الرقم: 511 835 71

4. الشلالات الزرقا، بعقلين

القعدة حد الشلال شي مميز والأكل ولا ألذ. الولاد رح ينبسطوا بالمنظر الحلو والتجربة الفريدة.

الرقم: 301 560 03

5. ستراند، المروج

وقت تشتي الدني وتتلج ويطلع على بالكن تكنكنوا جنب النار وتتفرجرا على الطقس وتاكلوا أكل صخن، هيدا المحل مثالي.

الرقم: 681 295 04

6. الأزوردي، اللقلوق

بهل طقس البارد ما إلكن غير القعدة ببيت خشب، جلسة عود، حطبة ونار ولقمة لبنانية بتفتح النفس عند الأزوردي. وإذا حظكن حلو رح تشوفوا التلجات مغطاية المكان.

الرقم: 868 888 76

7. جلسة العرزال، فاريا

لبنة، جبنه، مع الزيتون والخبز، والشاي الأسود لي عم يغلي وصحن بيض ولقمة حمص. رح تاكلوا أكل لبناني جبلي بهيدا المكان يلي بينبض بالجو الحلو والعائلي متل جو الضيعة.

الرقم: 883 285 03

8. لولا، النعص بكفيا

ما في لزوم نحكي كتير عن هيدا المحل، بس منحب نقول إنو من أطيب مطاعم لبنان، والإدارة والموظفين، والأجواء دافية وكتير مهضومة.

الرقم: 440 983 04

9. الفردوس، إهدن

قضوا نهار بإهدن وميلوا على الفردوس لتاكلوا أطيب كبة زغرتاوية مع كاسة عرق وعرفوا ولادكن على التراث اللبناني الأصيل.

الرقم: 444 560 06

10. كتف الوادي، جرجوع

هل محل بطل على أجمل المناظر الطبيعية الساحرة بالجنوب. الصالة الشتوية مجهزة لتستقبلكن والأجواء دافية والأكل قروي وعذوقكن.

الرقم: 882 540 03

11. لوس، جزين

مناظر رائعة، والجو دافي، القعدة خشبية، فيكن تاكلوا أطيب صحن بزاق مع كاسة نبيد أو صحن مقانق مغطس بدبس الرمان، واللقمة شهية، وفي كل أنواع الميزا اللبنانية.

الرقم: 330 780 07

12. تشيريلاين، حمانا

عطول في نشاطات حلوي، حتحسوا حالكن قاعدين بساحة الضيعة قد ما الأجواء عائلية وحلوة. الأجواء دافية وحميمة بتكملها المأكولات الفرنسية والإيطالية اللذيذة، شايفين قدي معقول تكون جلسة مثالية؟

الرقم: 353 533 05