هالمطعم رح يرجعكن على إيام زمان مع أطيب صحن كبة وكاس عرق

كبة زمان، مطعم متخصص بالكبة الزغرتاوية الأصيلة والطبخ اللبناني التقليدي.

عبالكن صحن كبة بالصنية مع كاسة خيار ولبن بتشق الروح؟ جيتوا على المحل الصح…

مطعم كبة زمان بقدم أطباق تقليدية شغل بيت وعلى طول مستعدين يلبوا جميع حفلاتكن ومناسباتكن الخاصة.

كبة زمان متخصص بالسفرة اللبنانية التقليدية الجبلية وموجود بقلب الأشرفية. ولأن الطعمة الأصيلة ما بتلاقيها وين ما كان ولأن الأكل اللبناني بدفي القلب، صار بدا مشوار على هل محل.

فيكن تطلبوا الصحن اليومي المميز وجميع أنواع المأكولات التقليدية والتراثية الجبلية متل الفوارغ، اللسانات، الضفاضع، والكبة اللبنانية الشهيرة بجميع أشكالها وطعماتها يلي نشأت بقرية زغرتا الساحرة بشمال لبنان.

أول ما تفوت على المطعم رح تحس بالراحة النفسية ورح تاخدك الريحة الطيبة على إيام الستينات وتتذكر مطبخ التيتا وأكلاتها وجرن الكبة بالضيعة.

ريحة الكبة الجبلية بتشق النفس وبتاخدك على محل تاني مليان حنية وذكريات!

كبة زمان أخد على عاتقه من أكتر من عشر سنين يقدم 16 نوع كبة، نقلها من الشمال لبيروت، كون الكبة الشمالية هي الأشهر بلبنان خاصة الزغرتاوية المعروفة بـ”قرص الدهن الزغرتاوي”، ولي هيي قطعتين وحدة مسطحة وهي الطبقة التحتانية، والتانية مدورة مقولبة وكلها حشوة ولا أطيب.

بتلاقوا كل أنواع الكبة: الكبة النية، الكبة المشوية، الكبة بالصنية، الكبة قراص، الكبة بشحمة، الكبة بلبن ودوقوا وشوفوا الطعمة.

الكبة فن وكبة زمان بيعرف هل الفن: كل شي معمول بدقة وحنية.

وفي عندن أطباق أصيلة بتفتح النفس: هندبة، مجدرة، مقادم، راس نيفا، محشي ورق عنب وكوسا، كبة لبنية، محشي مقانق مقلية، شيش برك وقصص ولا أطيب.

بيبقى مطعم كبة زمان استراحة هادية ومريحة على الرغم من كونه موجود بقلب مدينة مزدحمة.

الأكل الطيب، الخدمة الطيبة والقعدة المريحة رح تاخدك على بيت الجبل وقعدة العريشة والهوايات الحلوين.

وإذا مش قادر توصل على الأشرفية، كبة زمان بتجي لعندك وبتزودك بأشهى الأطباق القروية اللذيذة.

استمتع بأحلى جلسة وأطيب لقمة لبنانية وكاسة عرق!

الرقم: 934 429 01