إختراع جديد بلبنان: كيكة ورق عنب غير شكل

مغرومين بالورق العنب؟ صارعندكن طريقة جديدة تحتفلوا فيا بهل الإدمان!

مطبخ Dive In عم يعمل من الطبق المنزلي العادي إختراع غير شكل مع طريقة رائعة بالتقديم: كيكة بالورق العنب.

كل كيكة بتتكون من 100 ل 120 حبة ورق عنب محشية ومربوطة ببعضها عم تشرشر حامض ودبس الرمان ومزينة بشكل حلو بورق النعنع، حبات الرمان وقطع الليمون الرفيعة والزهور المصنوعة من قشر البندورة، وفوق هيدا كلو رشة رب الرمان لتضفي الحموضة اللازمة!

هل محل إختصاصي ورق عنب: حبات الورق العنب محشية بمزيج من الصلصات بدوبوا بالتم متل نكهة الليمون.

بيعملوا كمان تشيز كايك وبراونير بياخدو العقل للذويقة.

فيكن تطلبوا كيكة الورق عنب أو علبة زغيرة محشية عبر الDMs على Instagram، وبوصلوها من مطبخهم بطرابلس لعندكن على البيت وين ما كان بلبنان!

إذا بتعرفوا حدا مغروم بالورق عنب بزيت، ما إلكن غير تهدوهن علبة غير شكل أو كيكة كبيرة بتشق النفس.

ألف صحة وصحتين!