زيارة على أجمل ٢٧مطعم بجبال لبنان

حبينا اليوم ناخدكن مشوار على الجبل اللبناني، ونعمل كزدورة زغيرة بربوع الضيع اللبنانية ونعرفكن على أجمل وأطيب المطاعم ببلادنا الغنية بالأكل الطيب، الخدمة الودودة وجلسات بطول العمر.

١. هوا جرجوع، جرجوع-النبطية

بتحيطوا الجبال الخضرا المجيدة ومتخصص بالمطبخ اللبناني وأكلو بطير العقل. من خلالو فيكن تطلوا عمشهد بانورامي رائع لكل المنطقة. القعدة عندو من العمر! الحمص ، الكبة، الكفتة، الخضروات المحفوظة، المشاوي الطرية والطازة، الخبز اللبناني السخن، الرقاقات، ورق العنب وأكيد القعدة لي بترد الروح.

الرقم: 427 535 07

٢. الفردوس، إهدن

الفردوس جوهرة إهدن المخفية، عمرو فوق ال50 سنة. بتملكوا عيلة بتدير بالها عضيوفا متل بالبيت. هونيك رح تكتشفوا أطيب كبة مشوية دايقينا بحياتكن.

الرقم: 444 560 06

٣. مطعم شلالات نبع مرشد، الشوف

مشوار خرج العيلة! هيدا المحل المميز حلو خلال كل المواسم. عندن قعدة جوا وبرا دغري جنب الشلال!

الرقم: 05310220

٤. لو بيشه Le Pichet، الأرز

هيدا المطعم موجود بفندق Le Cedrus بمنطقة الأرز الخلابة. عدا عن إنو من المنتجعات المرتبة، بقدم أكل كتير شهي متل الفوندو، وأطباق بترضي الجميع متل البرغر والمعكرونة والمازة. وكل هيدا بأجواء مريحة ومكنكنة.

الرقم: 777 678 06

٥. مطعم مزارع لقيس، زحلة

إذا بتحبوا الأكل اللبناني والقعدة جنب النهر وصوت المي، هل محل رح ياخدكن بالحلم ويقدملكن أشهى الأطباق اللبنانية مع كاس عرق شغل زحلة وصحن نعنع: عم تتخايلوا الطعمة وريحة الطبيعة؟

الرقم: 490 931 08

٦. الكوخ، عاليه

هالمطعم مشهور بعاليه مش بس لأطباقو الشهية إنما لحفلاتو الموسيقية الدايمة بكل عيد ومناسبة و ويك-أند، يعني ببساطة فيكن تاكلو أكل طيب وتستمتعو بأجواء وحفلات رائعة.

الرقم: 778 556 05

٧. منير، برمانا

هوي من الكلاسيكيات اللبنانية. العيل والأصحاب بيقصدوا عمدار السنة كاملة. ما حدا بيقدر ينافسوا بجودة الخدمة وأجواء البسط الغير شكل.

الرقم: 900 873 04

٨. الشلالات الزرقا، بعقلين

أطيب قعدة مع منظر الشلال، في أحلى من هيك؟ وكمان يلي عبالو يكون رومانسي، في قارب صغير بنص النهر لتستمتعوا بسفرة غير شكل مع حبيبكن.

الرقم: 301 560 03

٩. أو بوا O Bois، الخنشارة

هالمحل الساحر عندو ديكور خشب رح يحسسكن إنكن بكابين بالغابة. بقدم مجموعة متنوعة من الأطباق الفرنسية الكلاسيكية مثل شوربة البصل. استمتعوا بأطيب أكل وأحلى جو.

الرقم: 752 345 70

١٠. لا تيليغراف La Télégraphe de Belle Vue، بحمدون

ما في متل هوا بحمدون المنعش حتى يرجعلكن نشاطكن. استمتعوا بقعدة حلوة عند تيليغراف مع أجواء رومانسية جبلية وأكل فرنسي.

الرقم: 383 638 70

١١. تلة نصر، النعص-بكفيا

بمنطقة النعص ببكفيا، هالمطعم محاوط بأشجار الصنوبر وبيتمتع بإطلالة بانورامية بتاخد العقل وبقدم أكل لبناني كتير طيب.

الرقم: 549 983 04

١٢. لو مونتانيو، عيون السيمان-كفردبيان

واحد من أشهر المطاعم بمنطقة عيون السيمان – كفردبيان، بيتميز بتصميمو الخشبي وقعدتو الفريدة المطلة على جبال كسروان بأجواء فاخرة. وبقدم العديد من الأطباق الفرنسية والأوروبية الشهية وأكيد الحلويات والمشروبات على أنواعا.

الرقم: 441 341 03

١٣. شوار جريد، بسكنتا

هالمطعم بيتميز بتصميم جبلي وإطلالة رائعة خاصة هلق بموسم الربيع، وبقدم أكل شرقي فاخر من مازات لبنانية لمشاوي على أنواعها وما بدنا ننسى التحلاية بعد الأكل.

الرقم: 064 795 03

١٤. شلال السمك، القبيات

مطعم بجرود القبيات محاط بالشجر والمناظر الحلوي والبرودات، بتقعدوا ببيت حجر غير شكل بتاكلوا أكل لبناني على الأصول وبتتمتعوا بصوت المي وبتعيشوا حياة الضيعة.

الرقم: 177 886 71

١٥. روت، حصرون

أصحاب المطعم مهتمين بأدق التفاصيل لي ما بتخطر عالبال وشاغلين عالديكور بكل حرفية. القعدة مريحة كأنو بالبيت والمقاعد خشب برا بين الزهور والموسيقى الرايقة والبرود هيدا غير الأكل الطيب والخدمة السريعة لي ولا أروع والكرم أهم شي.

الرقم: 829 000 71

١٦. تشيري لاين، حمانا

عطول في نشاطات حلوي، حتحسوا حالكن قاعدين بساحة الضيعة قد ما الأجواء عائلية وحلوة. الأجواء دافية وحميمة بتكملها المأكولات الفرنسية والإيطالية اللذيذة، والكرز، شايفين قدي معقول تكون جلسة مثالية؟

الرقم: 353 533 05

١٧. لولا، النعص-بكفيا

ما في لزوم نحكي كتير عن هيدا المحل، بس منحب نقول إنو من أطيب مطاعم لبنان، والإدارة والموظفين، الأجواء دافية وقريبة للقلب والقعدة فاخرة وبقدموا أطيب أنواع نبيد.

الرقم: 440 983 04

١٨. جلسة ورد، يحشوش

موقع المطعم كتير مميز، بين الجبال والوديان يعني بين نسمة الهوا الحلوة والview يلي بياخد العقل. كلو خضار وورود، يعني أكتر من هيك رواق وجمال ما في.

الرقم: 014 273 03

١٩. مطعم شوارات، فاريا

شوارات من أجمل المطاعم اللبنانيي بين الزهور يلي بيتميز بقعدة بتجنن وبتطل على الجبال العظيمة. بيتميز الديكور باللمسة اللبنانة الجبلية يلي بحبا قلبكن إن كان من ورا قعدتو المريحة أو من ورا طريقة تقديمو للأكل!

الرقم: 265 271 03

٢٠. مطعم أيلول، عنايا

في أحلى من قعدة بالبرودات بهيك طقس مع كاسة عرق؟ أيلول متخصص بالأكل البناني الشهي من مازات لبنانية لمشاوي على أنواعها وما بدنا ننسى التحلاية بعد الأكل.

الرقم: 560 760 09

٢١. الأزوردي، اللقلوق

بهل طقس الربيعي ما إلكن غير القعدة ببيت خشب، جلسة عود، ولقمة لبنانية بتفتح النفس عند الأزوردي، رح تشوفوا الجمال اللبناني الأخضر مغطا الجبال.

الرقم: 868 888 76

٢٢. ع هواك، عاليه

هالمطعم معروف بأطباقو الشرقية الطيبة و حفلات الموسيقية الدايمة يعني صار فيكن تاكلو أكل طيب وتستمتعو بهوايات عاليه المنعشة مع إطلالة على النهر.

الرقم: 488 400 71

٢٣. مطعم السائح، الباروك

عبالكن تكزدروا صوب الباروك وتشوفوا المحمية؟ ما إلكن إلا مطعم توريست، قعدة حلوة وبسيطة جنب الطبيعة ورواق لأبعد الحدود: الأكل عندن كتير طيب!

الرقم: 587 240 05

٢٤. لوس، جزين

القعدة بهالمطعم بترد الروح بأحضان الطبيعة مع إطلالة ساحرة على غابة بكاسين وأكل طيب وفنجان قهوة وأشهى أنواع الحلو.

الرقم: 330 780 07

٢٥. طاولة عميق، البقاع الغربي

خلوا نظركن يسرح لبعيد صوب السهل والأراضي الطيبة، المناظر ولا أجمل، الأكل كتير طيب وصحي وفريق العمل كتير حبوب ولطيف: ما بينشبع من كل شي هون. هالمطعم هوي فرع لسوق الطيب بالبقاع الغربي.

الرقم: 481 004 03

٢٦. جلسة العرزال، حراجل

بما إنو وصل الربيع، صار لازم نفتش على البرود والقعدة بالجبل. وهول الشغلتين موجودين عند جلسة العرزال مع كتير صفات غير بتخلي يكون أجمل محل لفصل الربيع. قضوا وقت مع أصحابكن على سفرة بلدية: جبنة و لبنة وزعتر ومناقيش وبيض وحمص وأطيب بطاطا مشوية.

الرقم: 883 285 03

٢٧. جسر النهر، بسكنتا

من أجمل المطاعم الجبلية بربوع لبنان، بس تفوتوا بتستقبلكن نافورة مي مع أطيب فنجاة قهوة ومنظر بيفتح النفس والسفرة اللبنانية على أصولها ناطرتكن.

الرقم: 101 987 03