٢١ شغلة موجودة بكل بيت ضيعة بلبنان

بيت الضيعة في أحلى الذكريات من إيام الطفولة وأكتر من هيك قصص ما منلاقيها غير بالضيعة. ١. النملية مطرح ما التيتا بتحط كل المونة والأكل ٢. فرن صاج لتعملوا مناقيش صاج كل يوم الصبح ٣. شراشف مزخرفة كل شي شراشف بالضيعة علي زخرفات لأن التيتا هيك بتحب. حتى التلفزيون علي برداية مزخرفة. ٤. صيدلية زغيرة أكيد عندكن صيدلية زغيرة فيا كل الأدوية يلي ممكن تعوزوها، شاش، شارتطون وسبيرتو. ٥. كاتول لأن ما رح تقطع الصيفية من دونها ٦. نواسة بكون ضوها أحمر أو زهر لكرمال ما يبقى الأوضة معتمة بالليل. ٧. مسجلة قديمة فيها كاسيتات لفيروز، وديع الصافي وجورج وسوف ٨. كراكيب مدري لي معودبن نطلع كل شي ما بدنا يا على بيت الضيعة حتى لو ما بينعاز ٩. عدة صيد لأن رجال العيلة غرام قلبن يروحوا على الصيد ١٠. ستوف بكون بالعادة على الحطب ١١. منقل مشاوي لأن كنا معودين نعمل كل نهار أحد مشاوي ١٢. علبة عصير تانغ ومي ورد وعصير التوت لنضيف الضيوف ١٣. قرميد أحمر يا بيجي من البيت أو حدا من أهلك مركبوا لأن بدفي البيت وبيعطي منظر حلو. ١٤. يانسون وزهورات كل يوم بالليل بدو يركب فنجان ١٥. علبة بودرا لأن إذا تليتو حالكن زيت تحطو بودرا ١٦. الشرشف الأبيض والزهر يلي كل بيت لبناني جبلي عندو منو ١٧َ. صابون بلدي لأن هيك منحمم بالضيعة ١٨. راكيت البرغش يلي منكبسها ومنقتل فيها برغش ١٩. منخل على كل الشبابيك والبواب ٢٠. بلاط أبيض معرق ٢١. بريق مي ما منشرب غير في