١٠ أفلام مصرية قديمة انحفروا بذاكرتنا

الأفلام المصرية القديمة بتحكي أجمل قصص الحب وفيها معاني وعبر ما منلاقيها بأفلام اليوم. كلنا ربينا على الأسود والأبيض، على فاتن حمامة، شادية، صلاح ذو الفقار وعمر الشريف وغيرن من الممثلين الكبار. تعوا نتذكر أشهر الأفلام المصرية القديمة.

١. غزل البنات، 1949

فيلم كوميدي رومانسي وغنائي بطولة ليلى مراد، نجيب الريحاني وقمر وجدي. بتحكي قصتو عن شحط استاذ مدرسة من شغلو لي بصير المدرس الخاص تبع ليلى بنت مراد باشا وبينعجب فيا على السكت من طرف واحد بالوقت يلي هيي بغرومة بشب تاني. بعد فترة بيكتشف إنو الشب لي بتحبوا نصاب وطمعان بثروتها وبحزرها منو وبواجهو وهيك بيطلب من إبن عمها الطيار يساعدها فبينعجبوا ببعض وبتترك حبيبها وهيك بيفهم الإستاذ إنو حبو إلها مستحيل.

٢. بداية ونهاية، 1960

هل فيلم مأخوذ عن قصة مشهورة للكاتب أديب محفوظ، بطولة فريد شوقي، عمر الشريف وأمينة رزق وربح جوائز عالمية. بتدور قصة الفيلم حول عيلة عم تعاني بعد موت البي فبيتشردوا للولاد، الكبير بيشتغل قصص خارجة عن القانون، البنت بتروح بطريق غلط وأحد الولاد بيعمل ضابط وبينكر كل عيلتو.

٣. رد قلبي، 1957

هل فيلم مأخود عن رواية الكاتب المصري يوسف السباعي، بطولة شكري سرحان ومريم فخر الدين وصلاح ذو الفقار وحسين رياض وهند رستم، ويعتبر أحد أهم أفلام السينما المصرية. بتحكي أحداثو عن قصة حب بين علي وأنجي، يلي بيرفضوا أهلها يجوزوا ياها. بتتظاهر إنا قبلت تنخطب من أمير لتحمي حياة حبيبها، لي بيعتقد عم تخونوا وهيك بيمرق الوقت وسنين، وبيوم حريق القاهرة بتحاصر النار الرقاصة كريمة حبيبة علي الجديدة وقبل موتها بتسلم حسين رسالة إنجي ليوصلها لخيو علي لي خفتها عنو وفيها بتأكد أنجي حبها وإخلاصها لعلي.

٤. عودة الإبن الضال، 1976

بوطلة محمود المليجي وسيد على كويرات، بيحكي عن حرب 1967 وبصورها على أنها ناتجة عن استغلال زلم الرئيس ولي حولو أحلامو كرمال هيك بتفشل لأن كان محورها الأنانية. وبوضح الفيلم بالنهاية إنو الشباب لازم ينسوا كل شي صار وأحداث الحرب ويحققوا أحلامن بقلب بلدن.

٥. الزوجة الثانية، 1967

فيلم مصري درامي إخراج صلاح أبو سيف وبطولة سعاد حسني وشكري سرحان. بيحكي عن رغبة عميد بلدة موجودة بالريف المصري بإنجاب إبن يورتو ويحمل إسمو، بيطمع بخادمتو وبيجبر الشغيل عندو يطلقها وبيتجوزها بالقوة بعد ما هدد جرزا بالحبس. وهيك بتصير تحتال علي وبتبقى على علاقة بجوزا بالسر، بيخلص الفيلم بإصابة العمدة بالشلل بعد ما يعرف إنها حبلي وهيك بموت.

٦َ. بين السما والأرض، 1959

بين السما والأرض فيلم مصري مصري بجسد قصة نجيب محفوظ، بطولة هند رستم وعبد السلام النابلسي وعبد المنعم إبراهيم ومحمود المليجي. بيتعطل الأسانسير بمجموعة أشخاص يأسانين كل واحد جايي من محل ومن بيئة وعندو قصة وبصيروا يحكوها وبس يفكروا إنو يمكن تنحل قصتن بيرجعوا يعرفوا قيمة الحية ويفكروا بإيجابية.

٧. الأيدي الناعمة، 1963

الأيدي الناعمة فيلم مصري مستوحى من كتاب توفيق الحكيم “الأيدي الناعمة”، بطولة أحمد مظهر وصلاح ذو الفقار وصباح ومريم فخر الدين وليلى طاهر. بيحكي عن قصة حدا غني ناكر ولادو البنات لأن ما مشيوا الطريق الأريسطوقراتية يلي بدو ياها، بفلس بعد وقت وما بيبقالوا غير قصرو يلي بيضطر يأجرو ليعيش وهيك بيرجع يجتمع مع بناتو عن طريق الصدفة.

٨. امرأة في الطريق، 1958

الفيلم قصة وسيناريو عبد الحي أديب، وبطولة رشدي أباظة، شكري سرحان، هدى سلطان وزكي رستم، وإخراج عز الدين ذو الفقار. البطل عندو ولاد من زوجتين وبميز وحدة عن التانية وهيك بحب الحسنين أكتر من صابر على الرغم من إنو صابر على طول حدو والحسنين مستلشأ في. بتصير الأحداث كتيرة وبيوقع خلاف بين حسنين وصابر وبتصير حادثة مع البي الكل بيتهم فيا صابر رغم إنو بريء وهيك بينتهي الفيلم نهاية مأساوية.

٩. أغلى من حياتي، 1965

من أجمل الأفلام المصرية على الإطلاق مقتبس عن فيلم الشارع الخلفي لفاني هيرست، إخراج محمود ذو الفقار، وبطولة صلاح ذو الفقار وشادية. بيحكي عن قصة حب منى وعادل يلي ما قدروا يتجوزوا بسبب رفض البي وكيف الحياة بتفركن والسنين بتمضى وبيبقي حبن كبير. أحمد بيتجوز ومنى بضل وفية إلو، بعد سنين بيرجعوا بيلتقوا وبتبلش قصة حبن عن جديد وبترجع منى ضحي بكل شي عندها كرمال أحمد.

١٠. موعد مع الحياة، 1953

فيلم دراما من إخراج محمود ذو الفقار، بطولة فاتن حمامة، شكري سرحان، شادية وحسين رياض. بيحكي عن قصة حب بين آمال والمهندس أحمد، يلي مع الوقت بتصير مريضة بالقلب وحالتها خطيرة، الكل بخبي عنها بس بالصدفة بتكتشف القصة. وهيك بتصير تبعد عنها أحمد وبتفرجي إنها ما بتحبوا لما يتجوزها ويتعذب. بس بتقلب وبدور الإيام وبتعمل عملية ناجحة وهيك بتخبر أحمد الحقيقة وبترجع قصة حبن من جديد.