شوفوا كيف فيكن تقضوا نهار كامل ببعقلين

بعقلين ضيعة مميزة موجودة بمنطقة الشوف، نايمة على تلة خضرا بطل على دير القمر وغرقانة بالتاريخ، كانت هل ضيعة عاصمة الأمرا المعنيين قبل ما تصير دير القمر، أشهرن الأمير فخر الدين التاني، وهي مقر تقليدي للطائفة الدرزية بلبنان. بعقلين ضيعة بتتميز بالحداثة واحتفظت بآثار تاريخية مهمة متل السرايا الكبير لي انبنى عام 1897 وقصر حسين حمادة لي انبنى عام 1591 ، وكنيسة مار الياس التاريخية من سنة 1753 وغيرها من المواقع المميزة. من بعد ما شفنا كيف فينا نقضي نهار كامل ببرمانا، رح نتعرف اليوم على ٢٠ شغلة فينا نعملها ببعقلين، على شوارعها الضيقة وساحتها الزغيرة التاريخية، نهرها الرائع، سوقها العتيق ونكتشف فترة مميزة من تاريخ لبنان وأبرز معالم منطقة الشوف.

١. بلشوا نهاركن بترويقة غير شكل عند قهوة السوق

وأكيد ما بتكمل الترويقة من دون ما دوقوا المتة الشوفية الأصيلة

الرقم: 632 889 78

٢. بلشوا مشواركن بزيارة قصر حمادة لي تم بناءه عام 1753 وبيحمل خوابي التاريخ

٣. تمشوا بشوارع الضيعة العتيقة وشوفوا بركة المي والعين بالساحة

٤. تمشوا بغابة بعقلين واتأملوا الشجر

٥. شوفوا الحفرة الغريبة الموجودة بالغابة بعمق 70 متر

٦. روحوا شوفوا شلالات بعقلين وتسمعوا على صوت المي

٧. كلوا لقمة طيبة عند مطعم الشلالات الزرقا

الرقم: 301 560 03

٨. عيشوا تجربة مميزة على هل طاولة بقلب المي

الرقم: 301 560 03

٩. أو كلوا عند مطعم الطاحونة على الشلال لي بيتميز بقعدة أصيلة

الرقم: 802 885 76

١٠. زوروا المكتبة العامة لي كانت سراي عثماني بالزمانات

الرقم: 050 304 25

١١. شوفوا المقابر والتوابيت الأثرية لي عمرها فوق ال300 سنة

١٢. اشربوا قهوة على نهر بعقلين

١٣. تمشوا بسوق بعقلين العتيق

١٤. شوفوا دوار العين بالضيعة

١٥. اتعرفوا على زراعة الزيتون، التفاح، التين وعرايش العنب الموجودة بالضيعة

١٦. اتعرفوا كمان على صناعة الشمع، القماش والتطريز

١٧. اتعشوا بمطعم جنة بعقلين على الشلال بين الشجر

الرقم: 669 924 03

١٨. قضوا ليلة من العمر ببيت بكرزاي وعيشوا تجربة استثنائية بأحضان الطببعة

الرقم: 020 512 03

١٩. عيشوا تجربة الحمام التركي والتدليك والسونا ببكرزاي

الرقم: 020 512 03

٢٠. واتعرفوا على صناعة الفخار التقليدية

الرقم: 020 512 03