تعرفوا معنا على أجمل المطاعم بالبقاع

البقاع مدينة التراث لي ما بتغيب الشمس عنها، مدينة الآثار والتاريخ والجبل والسهل ومدينة الجمال والرواق والصمود. شو في أحلى من إنو نقضي نهار بالبقاع ونروح على السهل وتعنايل ونشم هوا نضيف ونختم مشوارنا بلقمة طيبة بمدينة وحدة هي البقاع. من هيك اليوم رح نعمل جولة على أجمل المطاعم الموجودة بربوع البقاع لنتعرف على كل محل ونتمتع بكرم أهل البقاع ونتفرج سوا على أجمل المناظر.

١. سما شتورة، شتورة

سما شتورة من أجمل المطاعم الموجودة بربوع البقاع، بيتميز بقعدة على التراس بتجنن بالصيفية وبيتفنن بتقديم أطيب المأكولات اللبنانية والشرقية. النفس الطيب والكرم بيجتمعوا بهل محل المميز لي بقدم سفرة لبنانية طويلة عريضة! من ميزا لمشاوي وحتى بيعملوا بوفي ملوكي وفنجان قهوة غير شكل بعد الغدا.

الرقم: 340 540 08

٢. الحوش، حوش الغنم-زحلة

الحوش عبارة عن مطعم وقرية بيئية موجودين بأحضان الطبيعة. أول ما توصلوا على الحوش رح تلاقوا بسطة الخضرا البلدية، مونة، شراب التوت والورد، الزعتر البلدي، مقطرات متل اللافاندر وإكليل الجبل وكل شي بلدي من المزرعة. الأكل بالجنينة كتير طيب، التفاصيل، الخشب، الإشيا القديمة والجديدة، النملية، القعدة الجبلية وهويات البقاع. حزروا شو في كمان؟ قعدة بدوية مع هودج بنص الطبيعة وجلسة جبلية ولقمة طيبة! مش بس هيك، في كمان محل ليلعبوا الولاد!

للحجز: 110 911 03

٣. طاولة عميق، البقاع الغربي

طاولة عميق مطعم بيجمع الأصالة والجمال، بيتميز بإطلالة بانورامية رائعة على سهل البقاع. هل مطعم بيتميز بقعدة على التراس بتاخد العقل كاشفة على سهل البقاع والمناظر الطبيعية الخلابة، بتجيبوا صحنكن وبتتأملوا المنظر الحلو، بتاكلوا أطيب أكل لبناني وبتشموا هوا نضيف. الخبرية ما وقفت بس على الأكل الطيب! لو تشوفوا جمال المكان، تراس، قعدة بفيات الشجر شي برد الروح وببرد القلب.

الرقم: 481 004 03

٤. أمالين، شبرقية تابت

أمالين بقدم أشهى المأكولات اللبنانية والعالمية مع أكبر بار سوشي بلبنان. هوي عبارة عن مطعم فخم وواسع بيستقبل بحدود ال1000 زائر بكاسكادا مع إطلالة روعة على البحيرة. هالمحل بحضرلكن سفرة غير شكل مألفة من أطيب الأطباق اللبنانية التقليدية: كبة، بتنجان الراهب، أطيب صحن نية وحمص باللحمة، أوزة وغيرها وأكيد أطيب تحلاية. بتلاقوا عندو كمان أطيب الأطباق الغربية: باستا، ساندويشات، شوربة لقطين، سلطات على أنواعها، سوشي ومأكولات بحرية ورز بالثمار البحرية وغيرها من المأكولات والحلويات الشهية.

الرقم: 000 600 81

٥. سفرة، بر الياس

سفرة مطعم لبناني جديد بيتميز بطلة مميزة على سهل البقاع. سفرة إسم على مسمى وبمدلكن أطيب سفرة مع أشهى المأكولات العالمية. الديكور بيجمع بين القديم والجديد بنفس الوقت، هالمطعم بيحمل قصص وحكايات الضيعة والعادات القروية ليقدملكن أجمل تناغم بين الكلاسيك والموديرن. الأكسسوارات الخشب، الطاولات، الأواني والأباريق اندمجت بهل محل مع الطراز المودرن بشكل متناغم.

الرقم: 794 788 81

٦. الخان المقصود، تعنايل

الخان المقصود مطعم وبيت ضيافي لبناني تراثي بتعنايل بيتميز بقعدة بسيطة بالطبيعة. هل مطعم بقدملكن أطيب لقمة لبنانية من منتجات البقاع وبشربكن أطيب كاسة عرق من الكركة البلدية، شي بشهي. لتبلشوا يوم مميز لازم تكون ترويقتكن مميزة على الصاج مع أطيب مناقيش مشروحة من الجبنة والزيتون للزعتر والكشك وكتير أنواع ولا أطيب. هالمحل كمان بقدملكن غرف إذا عبالكن تقضوا ليلة غير شكل. الغرف مميزة، وقعدة لبنانية عالأصول!

الرقم: 279 124 03