أحلى مشوار للعيلة والولاد على زغرتا وقعدة بحضن الشلال بهالمطعم

مين عبالو يعمل كزدورة مع العيلة والولاد؟ زهقتوا تروحوا على نفس المحلات وتعملوا نفس القصص؟ طلعوا بالسيارة وروحوا على مطعم جسر رشعين بزغرتا لي بقدم أطيب المأكولات اللبنانية بحضن الشلال.

هل مطعم موجود على الشلال بمنطقة رشعين بزغرتا وبقدم المازة على الأصول مع مشاوي ومشروبات على أنواعها وأرغيلة.

بتتميز جسر رشعين بالطبيعة الخلابة والخضار ونبع المي وأكيد أطيب كبة زغرتاوية بالعالم. وكمان رح يتسلوا الولاد لأن في فسحة فيهن يقضوا وقتهن عم يلعبوا أو يتفرجوا على المي ويطعموا البطات.

القعدة حد النهر الجاري بطول العمر! وهل مطعم مشهور بتقديم الكبة الزغرتاوية على أنواعها وأشكالها مع أطيب كاس عرق بلدي.

الحلو إنو هل مطعم عطول بيعمل جو حلو وحفلات موسيقية نهار الأحد وعلى الأعياد، هيك جو بيغنيكن عن كل شي تاني.

بس تخلصوا أكل فيكن تشربوا فنجان قهوة على صوت المي وتتلذذوا بكل لحظة وفيكن كمان تكتشفوا رشعين وتشوفوا كنيسة مار يوحنا الأثرية وطاحومة الخواجة وتبرموا بالمنطقة مع الولاد.

للحجز اتصلوا على: 266 668 06

لتناموا بإهدن، حَوّلوا على ١٠ من أجمل الفنادق الموجودة بإهدن.