جديد من ألفا: خدمة eSIM السريعة، الأسعار وكيفية التشغيل

أثار جدل إطلاق Apple لجهاز iPhone 14 موجة جديدة من الإعتماد على خدمة ال eSIM (ويلي هو الشريحة الإلكترونية) حول العالم لأن التلفونات الجديدة رح تصير تعتمد بس على وظائف خدمة eSIM بالولايات المتحدة والناس صار عندها حشرية كبيرة عن الموضوع. على الرغم من إنو شركة Apple رح تفعل خدمة الSIM الفعلية على كل أجهزتها العالمية، لكنّ هل شي فتح الطريق كمان لاعتماد خدمة eSIM بجميع أنحاء العالم ونحنا بلبنان عم نلحق الموجة العالمية مع ألفا.

All the way up to the digital world!
Get your own #eSIM now at any Alfa Store📱
For more https://t.co/2WbksKpHmP pic.twitter.com/bGiqwY9l5m

— Alfa Telecom (@AlfaTelecom) October 3, 2022

لهيك أصدرت ألفا، صباح اليوم، الأسعار الجديدة لخدمات eSIM الخاصة فيها، والمتاحة صارت لجميع المشتركين. شوفوا معنا التفاصيل: الأسعار: – للخط المسبق الدفع الجديد: 7$ (باستثناء ضريبة القيمة المضافة الTVA) – للخط الثابت الجديد: 16.67$ (باستثناء ضريبة القيمة المضافة الTVA) إذا كنت مشترك بAlfa ، سواء بخدمة الدفع المسبق أو الخطوت الثابتة، فيك تستبدل بطاقة SIM الحالية بشريحة eSIM مقابل رسوم بتندفع مرة وحدة بقيمة 1.67 $ (باستثناء ضريبة القيمة المضافة الTVA). كيف فيكن تحصلوا على خدمة eSIM من ألفا: – زوروا مركز ألفا وجيبوا معكن بطاقة الهوية أو جواز السفر الخاص فيكن واشتروا ال QR code – اعملوا scan لرمز QR code من خلال جهاز بيقرى eSIM – وهيك بصير عندكن خدمة الeSIM وهيك رح تتمكنوا من الاحتفاظ بخط SIM الفعلي الخاص فيكن ومن تشغيل العديد من بطاقات الeSIM على جهازكن الخليوي. من جهة تانية، تفعيل خدمة الeSIM رح يسهل عليكن حياتكن من خلال القدرة على التبديل السلس بين شبكات التلفونات من دون ما تشيلوا بطاقة الSIM، الحصول على أكتر من بطاقة SIM ورقم، وبالتالي بصير إعداد جهازكن الخليوي أكتر سلاسة وفيو خيارات أكتر. شو كمان: تخايلوا إنو رح ترتاحوا من خبرية إدخال بطاقة الSIM بإيديكن وتخافوا توقع أو تضيع!