فنانين لبنانية اعتزلوا الفن ووين صاروا اليوم

سبق وخبرناكن عن ٨ فنانين لبنانية ختفوا ووين صاروا هلق اليوم منخبركن عن فنانين قرروا يعتزلوا!

في كتير فنانين لبنانية وعرب موهوبين اكتسحوا الساحة الفنية آخر ٢٥ سنة لكن قرروا يبتعدوا عن الأضواء فجأة ولعدة أسباب، تعوا نشوف وين صاروا اليوم.

١.أمل حجازي

أعلنت الفنانة أمل حجازي اعتزال الفن سنة 2017 وقررت تتحجب، بس ببعض الأحيان بتنزل أغاني بمناسبات دينية وبتطلع على مواقع التواصل وآخر post إلها كان هيي وعم ترنم بصوتها الملائكي بمناسبة عيد المولد النبوي.

٢. ربيع الخولي

من بعد ما مات خيو سليم، قرر يفوت على الدير ورجع على إسمو طوني الخولى وفي كتير ناس فكروا إنو فترة وبتقطع وإنو هل قرار ردة فعل ورح بيرجع على الفن لكن قرر يضل بالدير من وقتها لهلق. آخر ظهور لإلو كان بسنة 2021 عم يفسر أحد “البيان ليوسف” بفترة الميلاد بكندا.

أحد مبارك إخوتي "البيان ليوسف" الأب طوني الخولي رئيس جمعية روح الرب الخيرية تورونتو كندا🇨🇦
للمشاهدة الكاملة اضغط على رابط اليوتيوبhttps://t.co/fPMyR0P50u pic.twitter.com/S16zJJaHlc

— Pere Toni El Khouli الأب ربيع الخولي (@ToniKhawli) December 11, 2021

٣. فضل شاكر

أعلن الفنان اللبناني بأخر سنة 2012 إعتزالو الفن بسبب الرغبة بالتفرغ للدين بعد اندلاع الحرب السورية وظهور الشيخ أحمد الأسير على الإعلام. بعام 2018 أعلن المطرب فضل شاكر تراجعو عن اعتزال الفن وطرح عدة أغاني على نفقتو الخاصة وكان ظهورو الفني عم بثير حالة من الانقسام والجدل بين الجمهور. ورجعت بعد فترة المفاوضات بين فضل شاكر شركة روتانا لي وصلتو على النجومية وبمجرد الإعلان عن الألبوم الجديد بالتعاون مع الشركة تفاعل الجمهور بشكل إيجابي وسلبي بنفس الوقت.

٤. باسمة

أعلنت الفنانة باسمة إعتزالها الفن نهائياً على صفحاتها على مواقع التواصل الإجتماعي ولي صارت تحمل إسمها الحقيقي “بولا كيروز الترك” وقالت :”أنا اعلن اعتزالي للفن احبائي لأخدم الرب من كل قلبي وفكري ونفسي. شكراً ربي يسوع لأنك أعلنت لي مشيئتك”. بلشت باسمة مسيرتها الفنية سنة 1998 وقدمت عدة أغاني ناجحة وتعاونت من أول انطلاقتها مع المطرب الكبير مروان خوري لي كتبلها ولحنلها عدة أغاني ناجحة من أشهرها” شو حلوي يا بيي عيونو”. بعدها باسمة ناشطة على مواقع التواصل الاجتماعي وبتنزل قصص عن يسوع وتراتيل من فترة للتانية.