شلال السمك: مشوار من العمر، أكل طيب ومي جارية

بس توصلوا على ضيعة القبيات، الكل رح يخبركن عن مطعم شلال السمك لي بقلولوا ولاد الضيعة “المسمكة”. بتطلعوا على درج زغير بقلب الطبيعة، بتوصلوا على بيت حجر أثري مخبالكن أطيب أكل بالضيعة ولي رح يخبركن عن ضيعة القبيات الحلوة لي كل حدا بزورها بينسحر بجمالها.

وبهيدا المطعم ما فيكن ما تحسوا حالكن ببيتكن من الترحيب للديكور للنضافة والتعامل المميز من كل يلي هونيك.

بتاكلوا كل لقمة عصوت المي وبس. ما في ولا صوت تاني بالمنطقة، كتير رواق مع منظر كتير حلو وقعدة بطول العمر. رح تشوفوا طاولتكن مليانة بألوان الأكل اللبناني وكتير بتشهي، وأكيد طعمتها متل شكلها.

خلصوا غدا، وقضوا باقي النهار عم تشربوا شفة قهوة مع قطعة فواكي وتفرجوا على منظر الشلال يلي ما بينشبع منو مع الهوا النقي والهدوء.

هيدا المحل خرج جمعة حلوة مع العيلة الكبيرة لمحبي الطبيعة والأكل الطيب وصوت المي الجارية لي بيجتمعوا ليرسموا لوحة فنية ممتعة للنظر.

للحجز اتصلوا على، 177 886 71

لتعرفوا أكتر عن ضيعة القبيات حضرنالكن دليل سياحي للمحلات لي فيكن تقصدوها بس تطلعوا على الضيعة: مشوار على ضيعة القبيات: ٢٤ شغلة تعملوها بهالمنطقة.