تعرفوا معنا على ١٩ مطعم حول لبنان

الطقس البرود وصل ومعو وصلت القعدات الحلوة بالبرود. لنسهلها عليكن، إخترنالكن هالأماكن الروعة مع قعدة تراس بتجنن وبرودات حلوين كتير من مختلف مناطق لبنان.

١. جلسة العرزال، حراجل

بما إنو وصل الخريف، صار لازم نفتش على البرود والقعدة بالجبل. وهول الشغلتين موجودين عند جلسة العرزال، قضوا وقت مع أصحابكن على سفرة بلدية: جبنة و لبنة وزعتر ومناقيش وبيض وحمص وأطيب بطاطا مشوية مع نسمة هوا نضيفة ومنظر بجنن.

الرقم: 883 285 03

٢. قمر، حريصا

محل ساحر على طريق حريصا بيتميز بإطلالة على البحر وبمنظر بياخد العقل. الأكل شرقي مع أطباق لبنانية تقليدية وقعدة وتراس وبرودات.

الرقم: 880 801 03

٣. لو فينيسيان، صور

مطعم كتير مرتب بصور بقدم أطيب مأكولات لبنانية وبحرية. المنظر كتير حلو من التراس وبطل على شط صور.

الرقم: 177 499 01

٤. تشيري لاين، حمانا

من أجمل المطاعم الرومانسية بلبنان، متخصص بالمطبخ الفرنسي وأطباق روما. بقدم للزوار قعدة مثالية بتطل على قصر لامارتين الأثري، وأكل طيب وأجواء رومانسية.

الرقم: 588 335 71

٥. الفلمنكي، الروشة

الفلمنكي من أجمل القعدات ببيروت، إلها تاريخها وناسها. الأكل روعة، فنجان القهوة هون بتشربوا دغري حد البحر والمنظر من التراس بشق النفس على مختلف أصناف الأكل اللبناني.

الرقم: 456 323 01

٦. موراي، جونية

موراي من أجمل مطاعم لبنان بطل على البحر وبقدم كل أنواع الأكل لي بتخطر على بالكن. كل شي موجود والتحلاية كتير مميزة وفيكن تطلبوا أرغيلة.

الرقم: 170 154 71

٧. كافي أماريا، أنطلياس

مطعم لبناني بقدم كل أنواع المأكولات الشرقية ومأكولات العالمية مع إطلالة دغري على البحر وجو حلو. لمحبي الأرغيلة، حلوة القعدة على التراس مع صوت البحر.

الرقم: 030 706 70

٨. بونتا ديل إيستي، جونية

مطعم أرجنتيني عندو قعدة برا بتجنن، بقدم أطيب المأكولات الغربية والإسبانية بأجواء مليانة ألوان وموسيقى على البحر.

الرقم: 466 933 76

٩. بامبو، جونية

بقدم أطيب مأكولات المطبخ الهندي، التايلاندي والصيني، ديكور المكان ساحر ورومانسي مستوحى من الحضارات الآسيوية القديمة. أول ما تفوتوا حتحسوا حالكن بمنتجع بتايلاند حميم ومريح. اختاروا إنكن تقعدوا على التيراس لتستمتعوا بمنظر البيسين تحتكن.

الرقم: 400 131 81

١٠. كرمنا، عين المريسة

مطعم لبناني بطل على مشهد بانورامي على البحر، بيعمل أجود أصناف المطبخ اللبناني الكلاسيكي مع لمسة عصرية وأجواء فرحة.

الرقم: 877 008 03

١١. غريكو، جبيل

مطعم موجود على البحر ليعيشكن أجواء رومانسية على الآخر، بتلاقوا عندو أطيب أكل يوناني مع أحلى قعدة على البحر.

الرقم: 605 330 76

١٢. طاولة عميق، البقاع الغربي

مطعم بيتميز بقعدة على التراس بتاخد العقل كاشفة على سهل البقاع والمناظر الطبيعية الخلابة، بتجيبوا صحنكن وبتتأملوا المنظر الحلو، بتاكلوا أطيب أكل لبناني وبتشموا هوا نضيف.

الرقم: 481 004 03

١٣. هوا جرجوع، جرجوع-النبطية

القعدة عندو من العمر! الحمص، الكبة، الكفتة، الخضروات المحفوظة، المشاوي الطرية والطازة، الخبز اللبناني السخن، الرقاقات، ورق العنب وأكيد القعدة على التراس لي بترد الروح.

الرقم: 427 535 07

١٤. منير، برمانا

من الكلاسيكيات اللبنانية، العيل والأصحاب بيقصدوا عمدار السنة الكاملة. هل مطعم بقدم قعدة بيتوتية كلاسيكية روعة مع أكل لبناني عأصولو وفيكن تنقوا القعدة على التراس لتستمتعوا بهوايات برمانا الحلوين.

الرقم: 900 873 04

١٥. تلة نصر، النعص-بكفيا

محاوط بأشجار الصنوبر وبيتمتع بإطلالة بانورامية بتاخد العقل وبقدم أكل لبناني كتير طيب وقعدة مميزة بتخليكن تبوردوا منيح.

الرقم: 549 983 04

١٦َ. جلسة ورد، يحشوش

موقع المطعم كتير مميز، بين الجبال والوديان يعني بين نسمة الهوا الحلوة والview يلي بياخد العقل. كلو خضار وورود، يعني أكتر من هيك رواق وجمال ما في.

الرقم: 014 273 03

١٧. سفرة، بر الياس

بيتميز بطلة مميزة على سهل البقاع وبمدلكن أطيب سفرة مع أشهى المأكولات العالمية. الديكور بيجمع بين القديم والجديد بنفس الوقت، وبيتمتع بقعدة من العمر على التراس.

الرقم: 794 788 81

١٨. لوس، جزين

القعدة بتفتح النفس بأحضان جزين مع إطلالة ساحرة على غابة الصنوبر وسفرة كريمة وفنجان قهوة وأشهى أنواع الحلو.

الرقم: 330 780 07

١٩. مطعم شوارات، فاريا

من أجمل المطاعم اللبنانيي يلي بيتميز بقعدة بتجنن على التراس وبتطل على الجبال العظيمة. بيتميز الديكور باللمسة اللبنانة الجبلية يلي بحبا قلبكن من خلال قعدتو المريحة وطريقة تقديمو للأكل!

َالرقم: 265 271 03

شوفوا كمان، ١١ أماكن خريفية بتطير العقل بلبنان.