تعرفوا معنا على أجمل المطاعم على طريق مار شربل

من بعد ما شفنا أحلى قعدات على طريق سيدة حريصا، مشوارنا اليوم مكفى على أجمل المطاعم الموجودة على طريق مار شربل.

بهيدا الطقس البرود، بيطلع على بالنا نطلع على مار شربل ومنصير نحتار وين نروح، أحلى جمعة بتكون بتضمن أكيد الستوف والأكل اللبناني البيتوتي وفنجان الشاي الدافا ومنظر حلو، وبالتالي نحن جمعنالكن المطاعم المفضلة عنا على طريق مار شربل. هل أسبوع بدل ما يكون عندكن خطط بتزهق، شوفوا واحد من هل مطاعم تروحوا علين من بعد ما تزوروا.

١. قناطر عنايا

عند القناطر مش بس الأكل طيب وبشهي بس طريقة تقديم الأطباق حلوة ومهضومة وبيستقبلكن على أجمل قعدة. كل لقمة بهل مطعم إلها قصة وكل جمعة في وراها حكاية. المكونات بيتوتية، المناظر ولا أجمل، وفريق العمل كتير حبوب ولطيف: ما بينشبع من كل شي هون.

الرقم: 066 760 09

٢. المهباج

القعدة من هل محل رح تخليكن تعيشوا لحظات ما بتنتسى لأن بطل على منظر الوديان-قعدوا على الطرف لتشوفوا الجمال كلو وتاكلوا لقمة طيبة. هل محل مناسب للعيلة الكبيرة والولاد لأن واسع وكبير وفي محل ليلعبوا الولاد.

الرقم: 656 297 03

٣. غير جو

هل مطعم مهضوم بتلاقوا قريب كتير على مار شربل، يعني بس تخلصوا زيارة بتوصلوا علي دغري وبتشوفوا المينو عندو كتير في أصناف لبنانية وعالمية مميزة. حتى بالشتوية ما بتحسوا بالسقعة لأن بتقعدوا حد النار وبتاكلوا بطاطا مشوية مع فنجان شاي دافي. زوروا ورجعوا كفوا سهرتكن أو الغدا بهل محل المميز-نقوا تقعدوا على الشباك لتشوفوا المنظر الحلو.

الرقم: 672 760 09

٤. أيلول

متل ما بتعرفوا ضيعة عنايا منطقة رايقة وهادية وخرج سردات آخر الجمعة لكل حدا حابب يبعد عن الضجة وعجقة الشغل والسيارات-هل مطعم عز الطلب. بتحسوا موجود بآخر الدني، متخصص بالمطبخ اللبناني وأكلو بطير العقل وبيعمل القصص لي بحبها قلبكن متل العصافير والمقانق والحلو على أنواع.

الرقم:251 515 71

٥. المنتزه

يمكن أكتر شي معروف بس تطلعوا صوب مار شربل وصراحة بيستاهل هل صيت الحلو لأن بيعمل أكل طيب وقعدتو بتشبه قعدة البيت. الأكل بيوصل من المطبخ صخن على طاولتكن دغري والقعدة جوا مكنكنة ودافية والمناقيش ولا أطيب من هيك.

الرقم: 631 760 09

٦. مطعم الجبل

بلشت تسقع بعنايا، فحتكون أحلى قعده بهل مطعم إنتوا وعم تشوفوا المناظر والخضار المغطى كل شي. أكل محضر طازة كل يوم مع مأكولات لبنانية متل الكبة، اللحمة النية والمشاوي وغير أكلات ما بتتفوت. كل هيدا بمنطقة خضرا وهادية.

الرقم: 494 760 09