شوفوا معنا أسعار حفلات راس السنة بلبنان بهل-١١ مطعم

كلنا منحب نسهر مع بعض على راس السنة لنفرح ونرقص ونستقبل السنة الجديدة بجو حلو، بس مش كلنا قادرين نتك نيفتنا على السهرة ولأن الأسعار هل السنة تغيرت كتير عن سنة الماضية وصارت أغلى بكتير ومعظمها بالدولار، اخترنالكن بعض الحفلات بأفضل المطاعم بلبنان لتاخدوا فكرة عن الأسعار وتشوفوا إذا بتناسبكن.

١. ذا وودين سيلر The Wooden Cellar، الأشرفية

استقبلوا السنة الجاية بمحل كتير مرتب مع سهرة فنية وأطيب أكل بأسعار بتبلش ب55$ على الشخص.

الرقم: 392 808 76

٢. ريد بوفالو Redbuffalo، برمانا

بتبلش الأسعار ب60$ مع open bar وطبق حلو وعزف مباشر لفرقة موسيقية مع مفاجآت مهضومة.

الرقم: 471 111 03

٣. ذا برود The Broad، جبيل

هل محل عامل فورمول كتير غنية بتبلش ب35$ وبتوصل ل55$ مع cotillons وDj.

الرقم: 646 164 70

٤. أنا بيروت، أنطلياس

هل مطعم عم بقدم مينو من أكل ومشروب روعة مع فنان وفرقة موسيقية وDj وcotillons ب75$ على الشخص.

الرقم: 733 888 70

٥. سنفريان، جونية

سنفريان ناطركن كلكن بعيد راس السنة لتعيدوا بطريقة مميزة، مع فورمول بتبلش ب55$ وبتوصل ل60$ على الشخص وبتضمن سفرة غنية كتير، cotillons وقنينة نبيد ل4 أشخاص.

الرقم: 055 755 81

٦. بيت إم نزيه، الحمرا

رح تعيشوا أجمل الأوقات ببيت إم نزيه يلي عامل فورمول غنية بتبلش ب30$ وبتوصل ل70$ مع فنان وفرقة موسيقية وDj ومفاجآت مهضومة.

الرقم: 397 742 01

٧. مطعم شلهوب، دوما

هل مطعم رح يقدم عشا لبناني من مأكولات بحرية مع مشروبات وحلويات وسهرة فنية ب50$ على الشخص.

الرقم: 537 372 03

٨. أفانتي، مينا الحصن بيروت

بقدم هل مطعم الإيطالي مجموعة من الأطباق الإيطالية والحلويات والمشروبات مع Dj وcotillons ب125$ على الشخص.

الرقم: 992 990 01

٩. بو ملحم، سن الفيل

استقبلوا السنة الجديدة بمطعم بقدم أشهى الأكل اللبناني مع عرق ونبيد ب125$ على الشخص مع سهرة فنية منوعة من فنانين ورقاصة شرقية وباراد وDj وصحن كنافة وcotillons.

الرقم: 666 497 76

١٠. بنت الشلبية، جبيل

قضوا سهرة راس السنة بمحل مميز بقدم سفرة لبنانية ومشروبات مع أجواء فنية بأسعار بتبلش ب65$ وبتوصل ل75$ على الشخص.

الرقم: 840 558 03

١١. بيسترو Bistreau Batroun، البترون

هل مطعم بقدم مجموعة من الأطباق بالإضافة للحلو والمشروب مع سهرة فنية وDj وcotillons وفرقة موسيقية بأسعار بتبلش ب100$ على الشخص.

الرقم: 151 222 70

ينعاد عليكن وعقبال كل سنة!

شوفوا كمان، ١٩ شغلة منسمعها كل سنة على سهرة راس السنة بلبنان.