شوفوا ٤ مطارح ببيروت لتجربة أكل غريبة ما بتنتسى

عم تنبشوا على تجربة أكل غريبة بمحل مش إعتيادي؟ يلا على ٤ مطارح ببيروت لتجربة أكل فريدة من نوعها ضروري تجربوها.

١- Outline – الجميزة

مطعم آوت لاين حرفياً كأنو طالع من الرسمة، بتقعدوا بديكورو الأسود والأبيض، وبتاكلوا أكل أشكال وألوان من داخل لوحة، بقدم منيو غني من سلطات ودجاج وسمك مشوي، بس بيتميز خصوصي بغزل البنات اللي كلنا منحبو، كمان يعتبر مكان كتير مميز لتاخدوا صور مهضومة ببيروت.

للمزيد من المعلومات، اتصلوا على 333 373 76.

٢ – Fire Bird – مار مخايل

جاهزين لتجربة أكل كتير حرّة وبتشلفط؟ Fire Bird بيعملوا دجاج مقلي خطير ما في متله. الغريب بالمحل انو انتو بتحددوا درجة الحر اللي بدكن ياها، وبتختاروا البرغر أو التندر اللي بيعجبكن وبتلذذوا بكل لقمة.

وشوفوا بالفيديو لما جربنا المحل أديه أنبسطنا!

للمزيد من المعلومات، فيكن تتصلوا على 870 570 01

٣- Flat White – مار مخايل

إذا حابين تزيدوا شوية حماس على قهوتكن، ميلوا عند فلات وايت بمار مخايل! هالمحل بقدم القهوة بلوك جديد وطريقة مبتكرة، بتطلع طعمتها غنية ومنظرها مهضوم.

نحنا ما روّحنا هالتجربة علينا، وانتو كمان ما تروّحوها!

للمزيد من المعلومات، اتصلوا على 191 990 70.

٤- Cosmic Burger – الجميزة

مطعم كوزيميك بيعمل برغر UFO فضائية! تجربة أكل بالجميزة بتاخدكن على كوكب تاني مليان أطباق غريبة بشكل وطعمة ولا ألز، والديكور بعد على أغرب!

للمزيد من المعلومات، اتصلوا على 76/902925

شوفوا كمان، ٦ إختراعات برغر لازم تجربوها بلبنان.