٥ محلات كعك لازم تجربوها بلبنان

كتير إيام بيجي عبالنا قصص ما بتتاكل وين ما كان وخصوصي الكعكة المحشية طعمات مختلفة. واليوم منخبركن عن أطيب محلات الكعك لي فيكن تجربوهن غير كعك أبو عرب بس يجي على بالكن شي طيب على الآخر وسريع.

١. فود فاكسين Food Vaccine، الضاحية

ما بتكفيكن كعكة وحدة؟ جربوا كعكة بالساندويش الكبيرة! وإذا بدكن بعد، دايمًا في كعك عغير طعمات متل الروستو، أو الجبنة، اللبنة مع مكدوس، أو الحبش والبيستو. ما تنسوا تجربوا الكعكة الطرابلسية لي رح بتتفاجأو بطعمتا الروعة، تخايلوا حالكن عم تاكلو أطيب كعكة طرابلسية أصيلة محشية وبتشبع من أول كدشة.

الرقم: 569 314 76

٢. كعكة سكوير، مار مخايل النهر

هيدا المحل كل مرة بفاجئكن بشي بخلط الطعمات، خصوصي بس تندلق الطعمات الطيبة بقلب العجينة الطرية مع صوص ولا أطيب بخليها تصير شي روعة. جربوا كعكة الكنافة مع طعمة الورد، دوقوا الكعكة مع اللبنة والمكدوس على الصبح،كمان الكعكة بكشك حرزانة، إذا بدكن شي أقوى فيكن تاكلوا كعك بكفتا وحتى بتلاقوا كعك بشوكولا. في كمان كعكة بحلاوة وفستق بقلب خبزة طرية فيها قرشة زغيرة بطير العقل-ممم.

الرقم: 095 568 01

٣. كعك ستيشن، الحمرا

إذا عبالكن تجربوا إختراعات جديدة بالكعك، ضروري تزوروا هالمحل! ما في شي أطيب من كعكة كعك ستايشن. هيدا المحل عم يعمل أفخم إختراع: كعكة على بيتزا! يعني بيعملوا كعك على بيتزا، كعكة على ييبروني وخضرا وجبنة، كعكة على لبنة قراص، كعك على شكل قلوب ونجوم. كمان بيعملوا ساندويشات بخبز الكعك شي كتير طيب، وبرغر ولا أطيب. الحكي مش متل الشوفة! حتى التحلاية إلها طعمتها الخاصة بهل محل، جربوا كعكة ملغومة بالشوكولا وشقف الموز، الطعمة رح تاخدلكن عقلكن.

الرقم: 180 747 01

٤. كعك البيك، سد البوشرية

بتعرفوا شو أطيب شي؟ الكعكة السخنة عند البيك، القرشة، الفقعة، السمسم، القشطة الروعة، الريحة: طعمتها لي ما بتشبه ولا شي آكلينو من قبل. جربوا الكلاسيك تشيز، كعكة طرية مع الجبنة السايحة شي قوي كتير ورح ترجعوا لتجربوها بعد أكتر. الكعكة هون بتغمركن بالسعادة بيشتهر كمان بأطيب كعكة على الترويقة ممكن تدوقوا بالمنطقة، كعة بلبنة بقدمها مع أطيب زيتون بلدي وبندورة وخيار.

الرقم: 484 584 81

٥. كعكة بيروت، الأشرفية

قهوة على الموديل القديم رح تغمركن بالسعادة أول ما تفوتوا عليها. بحضر كعكة بيروت كعكات على مختلف الطعمات بدون ولا غلطة. الديكور العتيق سبب أساسي لتزوروا هالقهوة لي فيكن تستأنسوا فيها كل يوم من بكير لعشية. هلق الخبرية الأهم إنو الكعك لي بيعملوا فن عالمي، بتحسوا حالكن فتوا عمخزن كعك بتكتشفوا في طعمات ملونة بتتاكل. وبين كل الكعكات هونيك، ضروري تجربوا الكعكة على حلوم مع بيستو وقرشة زغيرة، شي بشهي!

الرقم: 547 444 71

جربوهن وخبرونا شو رأيكن!

شوفوا كمان، ٦ محلات فيكن تطلبوا منن ساندويشات كفتا غير شكل.