شوفوا أطيب المطاعم القريبة على مراكز التزلج بلبنان

رايحيين تتزلجوا؟ بما انو خبرناكن عن أسعار الدخولية على أهم مراكز التزلج بلبنان، حبينا اليوم ناخدكن مشوار على أفضل المطاعم القريبة على هالمراكز، هيك بتكمل ضهرتكن من كل الميلات هالشتوية.

1- Le Cedrus Hotel – الأرز، بشري

أوتيل الأرز مخبى بين شجر الأرز والتلجات، بتنبسطوا بأطيب الأطباق الفرنسية والإيطالية على العشا جنب الشاميني ودفا النار.

الرقم: 777 413 70

2- كوخ الصبايا – الزعرور

بطريقكن على منتجع الزعرور بتلاقوا كوخ صبايا، بيقدم هل مطعم أطيب صاج لبناني بالزعرور، بتلاقوا عندو مناقيش قاورما وزعتر غير شكل مع فيو على جبال صنين الساحرة.

الرقم: 734 658 03

3- Chez Chakour – المروج، الزعرور

معروف عند هل مطعم بالزعرور إنو عندو اختراع برغر وبيتزا بيبروني مع بعض بطعمة غير عالم، طريقة تقديمو مميزة والصوص رهيبة… أطيب أكلة سريعة بس يضرب الجوع إنتو وعلى التلج، كدشات بتشبّع مزبوط.

الرقم: 296 836 03

4- قصر البحيرة – الزعرور

تخايلوا حالكن قاعدين بهل المطعم الساحر عم تتفرجوا على التلجات جنب البحيرة! بيقدم قصر البحيرة أكل لبناني كتير طيب بس أكتر شي ضروري تجربوا عندو طبق اللحمة النية، بيعملها غير شكل.

الرقم: 200 269 04 – 779 111 71

5- Le Montagnou – كفردبيان

عبالكن أطباق فرنسية دافية جنب التلجات؟ مطعم Le Montagnou بيقدم سفرة غنية وكريمة مع أجواء شتوية روعة.

الرقم: 441 341 03

6- Rikky’z – كفردبيان

مطعم ريكيز مشهور بالستيك الشهية الطرية والغنية بالطعمة ولي معمولة على كيفكن، عندو أطباق ribs كمان ما بتتفوت أبداً!

الرقم: 201 120 03

7- Sapa – فاريا

الأكل العالمي الطيب والسهرات اللزيزة بتلاقوها عند سابا، من أروع المطارح لتاكلوا وتسهروا مع أصحابكن بعد التزلج.

الرقم: 444 911 70

8- الأزاوردي– اللقلوق

الأزاوردي عندو مازة ما بتلاقوا متلها باللقلوق، صحنو مغنج على آخر، وسفرتو كريمة خصوصي مع المشاوي بتكمل على مزبوط.

الرقم: 868 888 76

شوفوا كمان، لقينالكن مطارح ساحرة لتجربة تخييم من الأحلام بالشتوية.