بلا هيبة.. فيلم لبناني مهضوم لازم تحضروا

“بلا هيبة” فيلم رومانسي اكشن كوميدي روعة من بطولة عباس جعفر وكتابة واخراج رافي وهبة.

بالفيلم منشوف هضامة وعفوية عباس يلي هي اساس نجاحو وقربو من الجمهور.

اما الشخصيات التانية : “كميل سلامة” بشخصية الزعيم يلي بمون ع اهل ضيعتو، وبصادف انو بشوف حلم مزعج بيسمع خلاله تعليق ساخر عليه بدون ما يعرف مين قالو فبقرر يعمل المستحيل ليعرف مين يلي حكى فبيطلع حفيده “محسن” (عباس) يلي عم بعاني ليضل مع حبيبتو “هيفا” (ستيفاني عطالله) فبيخطفها على صهوة حمار أبيض (لوّنه محسن) المعروف ب “بلا هيبة”.

و بتبلش الاحداث يلي كلها ضحك وقتا تبلش افكار محسن تأخذه وتجيبو على الواقع يلي عايشو ويلي حارمه من حب “هيفا” المحجوزة رجال تاني.

وبزيد الاكشن لما ينحجز “محسن” بتهمة الخطيفة الفاشلة، وبيقدر يهرب بمساعدة عمته “بهيجة” (دارينا الجندي ) بالوقت يلي امو (ميراي بانوسيان ) يتكون عم توزع صورو على اهل الضيعة. وبالنهاية بتصير المفاجأة التي بترجع رضى الجد على الحفيد.

الفيلم عم ينعرض بالصالات اللبنانية من ٨ آب فشو بعدكن ناطرين؟