٦ محلات لتوصي على أطيب كيك عبر إنستجرام

كلنا كبرنا على حب الغاتو يلي منعملو بالبيت . تتذكرو وقت كنا نوقف كلنا بالمطبخ وناخد دور بالخفق ؟ أو وقت ماما تكون بدا إتدلعنا فا تعملنا كيك مع أناناس؟ بس ولا مرا أكلنا الأناناس .. ديمان يلزقو…

هولي الإنستجرام أكونتس اجو يغيرو مفهوم كيك البيت!

Maman Chocolat

غاتو شكولاته، غاتو عرس، نايكد كيك، دونتس كيك…شو ما بيخطر ع بالكون ماما الشكولاته بتعملو بطريقة رائعة، فينا نعتبرا أكبر إنفلونسر بعالم الحلو بلبنان.

Dina’s House of Cake

ال-go -to أكونت للغتويات المهضومه . بألوان فرحة وقوية ،Dina’s House of Cake بقدم موديلات حسب هوايات كل شخص، إن كن غاتو مع ثيم fortnite، أو غاتو لمحبين السيجار. كل الطلبات بتتنفذ بحرفية.

Cake Design by Youmna

يمنى مش بس كيك ديزاينر، هي كمان محققة أحلام و ملكة المناسبات، عيد البي؟ أوك ! كيك بيي أقوى من بيك! بنتك صار عمرا ٦ أشهر؟ أوك! يمنى بتعمل نص كيك! ما مشكل!

Rim Fadel

ريم فاضل بتتميز بالشغل الدقيق جداً و بلتركيز على أزغر التفاصيل ،فالغاتويات كلن الن طابع هادئ وألوان ناعمه، الكركترذ مشغولين بطريقة 3D، بتحسو ما الكن قلب تقسو الغاتو، بتفضلو تعرضو ع طاولة السفرة كم يوم بعد..

Mohamad Azhari

غاتويات أقل شي فيك تقول عنن انن تحفه فنية، إن كن الجاتو المركب عليه بالونات، أو جاتو ملون بالبانتور.

Mama Sue’s

الكوين أوف Clean Cakes كل المكونات الغاتو هني مواد طبيعية صحية غير اصطناعية والضارة بيعجبو الكبير والزغير، محلاين وملونين بمواد طبيعية شي يلي بيسمح للولاد من عمر السنه إن يستمتعو بأكل الحلو.