وين أطيب ترويقة بلبنان؟ شوفوا معنا هل ٥ محلات فول وفتة

ما في اطيب من الترويقة عبكرا الصبح وكيف إذا كانت الترويقة فول وفتة وبيض عيون وبليله، لازم تعملوا صبحية بهل محلات وتكتشفوا أطباقها السرية وتستمتعوا بأطيب أنواع الترويقة فيها.

١. أبو شادي، جل الديب

دوقوا أطيب أصناف الترويقة المعمولين على الطريقة البيتوتية متل البليله، بيض العيون، المسبحة واختراعات متل فتة المكدوس وبيض مع ليه غنم. أطباق شهية شغل الشيف شادي!

الرقم: 011 117 76

٢. أبو عبدالله، الدورة

لي بعد ما بيعرف هل جوهرة المخفية، عم بروح علي كتير، بيشتهر بتقديم أطيب ترويقة لبنانية من فول وحمص وفتة وجبنة بلدية وهيدا كلو مع أطيب فنجان شاي إكرك عجم.

الرقم: 286 256 01

٣. أبو حسان، برج حمود

ما بتحلى الترويقة غير بوجود الفتة، المسبحة والبيض المقلي المعمولين قدام عيونكن من عند هل محل الرائع والأطيب من هيك بقدم خبز طازة صخن.

الرقم: 888 266 01

٤. لا فول، الحمرا

هل مطعم بقدم ترويقة ملوكية، حمص، فول، بيض عيون، بليلا، بيض بقاورما وسلطات، والأطيب من هيك بيعمل منقوشة راس عصفور.

الرقم: 306 375 03

٥. صواني فلفول، بادارو

ميلوا على صواني فلفول مطرح ما فيكن تاخدوا صحن فتة لسانات أو فتة الشيش برك وفتة السفيحة وكمان في فتة مقادم، وفيكن كمان تجربوا خلطات كلاسيكية وطيبة متل الفول المدمس، الفلافل، حلوم، مسبحة أو لبنة وكمونة وكشك محرور.

الرقم: 212 382 01

شوفوا كمان، هاو أطيب أطباق الحلو عند حلويات البابا.