أحلى نومة على البحر بهل-٦ مطارح حول لبنان

تخايلوا معنا قعدة على الشط أو نومة على صوت الموجات أو ترويقة مع البحر ونسماتو، أديه حلوة الفكرة؟ تعرفوا معنا اليوم على 6 مطارح جنب البحر لتقضوا ليلة من العمر!

1- ذكرى – منصف، جبيل

بيت ذكرى عبارة عن بيت زغير نايم على البحر بجبيل بيترك بقلبكن ذكرى، عندو بلكون بإطلالة ساحرة للشط وموجاتو، وقعدة لزيزة بديكور مكنكن ومهضوم، قريب من المناطق السياحية وكل التسليات بالمنطقة.

الرقم: 623 193 03

2- بيت البحر – طبرجا، كسروان

بحجرو الصخر وشبابيكو الزرقا القديمة بياخدكن بيت البحر رحلة على زمن الحكايات والقصور، قعدتو الرومانسية جنب البحر رح تسحركن بجمالها والترويقة على صوت الموج رح تخطف قلوبكن.

الرقم: 082 777 81

3- O Fleur de Sel – أنفة، الكورة

بتلاقوا على شط أنفة فيلا ساحرة الجمال وجارة البحر، فيها قعدات تراس وجنينة مخباية ومسبح خاص ومنظر للبحر بياخد العقل، بيطلع عبالكن تقعدوا فيها أيام وليالي.

الرقم: 920 365 70

4- مرسي – أنفة، الكورة

عند مرسي انتو والبحر جيران، بيت أزرق بطابع ساحر وبيتوتي، القعدة فيه بتفوت على القلب والجلسات على البلكون قدام البحر بتاخد العقل.

الرقم: 839 832 03

5- Calina Joie – حالات، جبيل

هالبيت الضيافة بجبيل بياخدكن على عالم رومانسي وبعيد عن العجقة مع إطلالة للبحر، فيكن تسبحوا وتتفرجوا على غروب الشمس وتنبسطوا بأجمل سهرات النار تحت النجوم وضو القمر.

الرقم: 233 122 79

6- دار ألما – صور

دار ألما من أروع الأوتيلات لتجربوها بمدينة صور التراثية، عمارة صخر قديمة وشط خاص وأكل طيب ومناظر للبحر ما بتلاقوا منها وين ما كان!

الرقم: 082 740 07

شوفوا كمان، رحلة على الكارافان السري…تجربة تخييم من الأحلام بالبترون.