١٠ شغلات مهضومة بتصير كل سنة على عيد الفطر

“اليوم العيد ومنعيد…”

بعجقة وغمرة العيد بيصير معنا قصص كتير مهضومة ولزيزة منحملها معنا لآخر العمر. وبمناسبة عيد الفطر المبارك، حبينا نعّيدكن بمقال زغير ومهضوم، شوفوا معنا كم شغلة مهضومة بتصير بعيد الفطر كل سنة.

1- الترويقة الطيبة مع العيلة بعد غياب شهر كامل

لما نقعد كلنا بعد شهر صيام كامل على طاولة وحدة وناكل مناقيش أو حمص وفول، أديه منكون شتقنا!

2- أطيب فنجان نسكافيه وقهوة بكون مع العيلة على البرندا

وبعد الترويقة، ما مننسى الصبحية على القهوة والشاي ودردشات العيلة

3- منحب عجقة وكركبة العيلة

وحتى صريخ الولاد والمخانقات الزغيرة عندها حلاوتها الخاصة بالعيد

4- إمكن ما بتترك حدا إلا ما بتعيط عليه

ما بيكفي فيقة الصبح بكير، كمان ما بيكمل العيد من دون صريخ الماما

5- أهم شي إنو نسلّم على الكل وما نترك حدا حتى الكل يعايدنا

وأكرم عيدية هيي عيدية التيتا

6- أطيب شي الضيافة والحلو بالعيد

يا ويلي على البقلاوة! يعني لحالو هالنهار بنصّح مدري كم كيلو!

7- والتبويس على الخد ماشي ماشي

بتعدوا معنا شي مية مرة “مواه مواه”

8- بتشوفوا قرايب بعاد أول مرة بتشوفوهن

وهني بكونوا عارفين نسل العيلة وحافظينكن من انتو وزغار

9- بتنطروا مناطرة حدا يقلكن “حلوين تياب العيد”

10- وأحلى شي ضهرة العيد

خصوصي إذا على الملاهي أو نزلة على البحر والشط، يا عين!

عبالكن تضحكوا؟ ١٨ جملة بتقولن كل تيتا لبنانية.