تعرّفوا على أوتيل الأحلام بقلب طرابلس
عبالكن تغيروا جو وتقضوا كم نهار عطلة؟ يلا ضبوا الشنطة ولحقونا!
المشوار اليوم بياخدنا رحلة على عروس الشمال، مدينة طرابلس القديمة، هالمدينة المليانة تراث وحب وكرم واللي كل زوارها بتترك فيهن أثر وذكرى حلوة. بتلاقوا بالمينا شارع زغير مزيّن بالشماسي الملونة والحجر القديم، مخبى فيه أوتيل فيا مينا اللي رح يسحركن بالقعدة الونسة والجو اللطيف.
أوّل ما تدخلوا على الأوتيل رح تنتبهوا للتفاصيل الزغيرة الحلوة، النبات المعلّق والورود، الفخاّر والحرفيات، الشبابيك الزرقا، الأضوية الخافتة، والجلسة القريبة من القلب بالجنينة تحت فيّ الشجر.
تخايلوا قاعدين هالقعدة المهضومة وقدامكن جاط فواكة موسمية، أو ترويقة لبنانية مع فنجان قهوة، في أروق من هيك؟
بتلاقوا بقلب الأوتيل مطعم بجو رومانسي، بيقدم أطيب الأكلات والأطباق العالمية، وكمان بار لتشربوا ألذ كوكتيل ومشروبات طيبة بالسهرة، وإذا بتبرموا جوا بتوصلوا على مكتبة قديمة مليانة كتب لتقعدوا تقروا بكل رواق.
بتطلعوا على الدرج الحلو وبتلاقوا 22 غرفة موديل قديم ومرتب، مجهزين بكل شي ممكن تحتاجوا وبناسبوا شخصين، يعني أجمل قعدة رومانسية للعشاق!
ولتكمل عطلتكن الصيفية بالأوتيل، بتلاقوا مسبح كبير مخبى عن العالم ناطركن لتقعدوا ترخوها بالميّ وتحت دفى الشمس.
يلا مشوا نقضي كم نهار بطرابلس!
للمزيد من المعلومات، اتصلوا على 227 222 06
شوفوا كمان، قعدة جنب البحر أو النهر؟ شوفوا هالمطاعم بالجنوب فوق الميّ
إكتشفوا أجمل بيوت الضيافة حول لبنان هون.
