بيت اللوز: دوش بالطبيعة ومسبح بأوضة النوم

صار بدها عطلة هالصيفية! مشوا نطلع على ضيعة كفرحباب ونشم هوا كسرواني بين الشجر والجبال! اليوم رح نروح نقضي كم يوم ببيت ضيافة جديد بالمنطقة وعندو تجربة مميزة. بيت اللوز عبارة عن بيت ضيافة رومانسي بكفرحباب عندو قعدة من العمر هالصيفية.

بيت اللوز فيلا من الصخر القديم مخباية بين الشجر، بتستقبلكن على جو رومانسي وساحر بكفرحباب. بتتميز بقعدة بحضن الجبل والطبيعة والديكور الرومانسي المرتب. هالبيت عبارة عن مكان خاص وبعيد عن العالم وعنده إطلالة عن التراس بتاخد العقل للشجر والجنينات، بيطلع عبالكن تقعدوا عليها ساعات وساعات!

بيت اللوز مطرح ساحر الجمال لتتفرجوا على غروب الشمس مع الشريك، بيتميز بمسبح كبير مفتوح على غرفة النوم، أديه حلو؟ يعني بتفيقوا الصبحيات ودغري فيكن تغطسوا بالمسبح!

وحتى عندن دوش مخبى برا بالهوا الطلق، وكمان إطلالتو على الشجر والجنينة، شي بياخد العقل!

ومش بس هيك، كمان بتلاقوا جاكوزي مع فيو على غروب الشمس، مطرح روعة للعاشق والمعشوق.

البيت بيتضمن أوض قعدة واسعة، غرفة نومة مميزة، مطبخ وحمام كبير، مطرح للشوي، وجو مريح وهادي لكل أوقاتكن الحلوة والخاصة.

للمزيد من المعلومات، اتصلوا على 595 002 03

شوفوا كمان،نهار كامل من الفرح والحماس للعيلة عند أوكلاند بالجنوب