تعرفوا على ٩ محلات جديدة فتحت بلبنان

زهقتوا من نفس المحلات؟ عبالكن مشاريع جديدة ومحلات جديدة؟ تعرفوا معنا على ٩ محلات جديدة فتحت بوابها مؤخراً بلبنان وعم بتقدم أحسن خدمة!

١. French Canteen، برمانا

إضافة جديدة على Broumana Yard، French Canteen بجبلكن أحلى جو بأطباقها الشهية. بيطغي على المحل لون الأخضر الأرضي لي رح يجبلكن تجربة طعام مريحة. بتضمن قائمة الطعام مجموعة متنوعة من الأطباق المميزة متل شريحة اللحم الواغو، وشريحة الأنغوس الأسترالية، بالإضافة لأطباق الستيك الطرية والحلويات الشهية.

الرقم: 671 719 71

٢. سيركو Circo، غزير

وصل السيرك على البلد وجايب معو تجربة طعام ساحرة لقلب غزير. السيركو هوي مفهوم جديد بيضفي جرعة من الدهشة على تجربتكن بالأكل من ورا ديكور السيرك والأطباق والمشروبات المليانة حياة. مكان موجود بالهوا الطلق، مثالي للعشاء وقت المغيب، رح تاكلوا وجبتكن مع مناظر رائعة وعروض حية ترفيهية.

الرقم: 533 334 81

٣. كافي كنافة Café Kunafé 1881، الجميزة

هيدا المحل المهضوم فتح جديد بالجميزة وعم بقدم كعكة كنافة ومعجنات مخبوزين بدقة وحب. القعدة عندو مهضومة ومريحة خرج أصحاب وحبايب رح تخليكن تنسوا همومكن شوي زغيرة. وجهوا لعندن عبكرا الصبح لتشربوا قهوة وتستمتعوا بالمخبوزات الطازة من الكروسان للحلو وما تنسوا تتركوا محل ببطنكن لقطعة كنافة.

الرقم: 588 118 03

٤. أرض، برمانا

من الجنينة على الطاولة بيوصلوا أكلاتكن لتستمتعوا بالأكل الصحي والشهي. رح يصير من محلاتكن المفضلة ببرمانا بسبب القعدة المميزة بقلب الطبيعة، الأطباق البيتوتية والنشاطات الترفيهية لي ما بتخلص. على التراس رح تلاقوا زهور وورود مزروعين، تأملوا فيهن وبوج حبيبكن.

للمزيد من المعلومات، اضغطوا هون
الرقم: 901 190 03

٥. ذا ناست The NEST، كفرياسين

بتحسوا حالكن قراب من السما بهل محل. عبارة عن ريستو-بار وصالون فاخر جايبلكن الرفاهية لأسطح بيوت كفرياسين. المكان مثالي لقضاء ليلة ما بتنسى مع الأصحاب، بيقدملكن مينو صيفي لتستمتعوا تحت النجوم بليلة رومانسية أو مع مجموعة من الأصحاب. مكان ساحر لشوفة المغيب، عشاق الصيف لازم يحطوا على ليستة أمنياتن الصيفية.

الرقم: 769 277 81

٦. نوراي NORAI، صيدا

خلونا نروح رحلة على الشرق الأقصى عند نوراي، عندو فيكن تتمتعوا بأربع أنواع مختلفة من المأكولات الأسيوية. نوراي جايبلكن المأكولات التايلاندية، الهندية، اليابانية، والصينية، وهل المكان بيقدملكن كمان مجموعة واسعة من الأطباق الفاخرة لتستمتعوا فيها. عيشوا تجربة عشا فاخرة وقضوا ليلة مميزة مع أصحابكن، تذوقوا نكهات الشرق الأقصى مع صلصاتن الخاصة.

الرقم: 098 900 71

٧. ي بيروت Ybeirut، جل الديب

مطرح جديد رح تقدروا تستمتعوا في بمناظر بيروت الساحرة، Ybeirut هوي الوجهة المثالية للي عم بدور على ليلة ممتعة مليانة بالموسيقى، المشروبات المنعشة وفيو مطل على البحر. بتحبوا الحفلات؟ فيكن تستمتعوا بالحفلات الأسبوعية اللي بيشاركوا فيها نجوم محليين وغربيين موهوبين على أنغام موسيقية فرحة تحت سما بيروت لمليانة نجوم.

الرقم: 039 903 03

٨. رويال دوناتس Royal Donuts، بير العبد

هل محل الملون عبارة عن مخزن دوناتس من كل الأشكال والألوان. بحضر كمان ميلك شايك ومشروبات سخنة ومسقعة وبيوعدكن بتجربة فريدة من نوعها رح تخليكن تسترجعوا الحب لي عندكن يا للدوناتس من أول جديد.

الرقم: 198 957 81

٩. تشيك أو فيش Chick O Fish، جل الديب

بقدم هل مطعم العديد من مأكولات الشارع متل أصابع الموتزاريلا والكالاماري وجوانح الدجاج مع صوص خاصة. فيكن تلاقوا عندن كمان قعدة مهضومة ومكنكنة على البار.

الرقم: 961 126 81

شوفوا كمان، ٥ مطارح لتاكلوا أطيب أكل لبناني ببيروت.