منتجع بيصور السياحي فتح من جديد: نومة على النهر وأطيب لقمة بيت

تعبتوا من عجقة المدينة وعبالكن تهربوا منا؟ بدكن تستمتعوا بخضار الطبيعة مع مشاوي وأرغيلة؟ اليوم رح نطلع على منطقة عاليه الجبلية ونخبركن عن مطرح غير شكل فوق الوديان. منتجع بيصور السياحي بمنطقة بيصيور بيقدم مطعم على النهر وقعدة جبلية مميزة ونومة بالطبيعة.

من بعد الأزمة الكبيرة لي تعرض لإلها البلد تسكر منتجع بيصور السياحي Baissour Country Club، بس هلق رجع فتح وقدر يرجع يوقف على إجري من جديد.

لي ما بيعرف شي عن هل منتجع، منعرفكن على Baissour Country Club لي قاعد بقلب طبيعة الجبل الحلوة، عندو مطعم وبانغالو وشالي وقعدة على النهر دغري.

فيكن تقصدوا لتقضوا نهار بالطبيعة دغري على النهر الجاري أو لتاكلوا لقمة بالمطعم اللذيذ أو حتى لتقضوا ليلة بالطبيعة.

هالمحل بقدملكن مساحة كتير كبيرة، وين فيكن تاكلوا مشاوي وتناموا كمان!

المطعم بيجمع الناس على اللقمة اللبنانية الطيبة والقعدة اللي بترد الروح على صوت المي الجارية. قعدتو مخباية بين الشجر والورد! وفيكن تطعموا البطات الحلوين بس تخلصوا أكل.

فنجان القهوة عصوت المي دوا. وشو رأيكن بكباية مي متلجة من النهر؟ وأطيب شي حفلة الفواكة بعد الغدا مغسلين بمي النهر ومتلجين منيح.

متعوا نظركن بجمال هل الشلالات وملو بطنكن بالتشكيلة الطيبة اللي بقدموها.

بس ما وقفت على الأكل، لأنو كل لقمة بتاكلوها رح تنبسطوا فيها من جمال الطبيعة الخلابة يلي حواليكن.

عندن شي مش شايفينوا بحياتكن رح يبهركن.. و شو هوي يا ترى؟ قعدة بار دغري على النهر. تخايلوا حالكن عم تشربوا عرواق والنهر قبالكن والمي بدينيكن.. شي حلو هل شعور وشو بريح القلب والروح.

تعبتوا وبدكن تناموا وما بدكن حدا يعرف إنتو وين؟ استأجروا شالي أو وبانغالو وقضوا ليلة بالطبيعة على البركة.

بتناموا نوم الهنا وبتفيقوا الصبحيات، بتتمشوا بالجنينة مع فنجان قهوة، وبتحضروا حالكن لأطيب ترويقة بلدية عصوت المي. في ألذ من هيك؟

عجلوا عيشوا هل إختبار قبل ما تخلص الصيفية ويغير الطقس، لهيك تواصلوا مع أصحاب المشروع على 810 031 70

شوفوا كمان، أجمل بيت ضيافة بالبترون فيكن تقضوا ليلة في.