مطرح جديد: قعدة فوق الغيوم وأكل طيب!

اليوم رح نعرفكن على قعدة واستراحة آسترا Astra بقلب منطقة فالوغا وهوي عبارة عن مطرح جديد قاعد فوق فوق فوق وبيعجب خاطركن.

لكل حدا عبالو يهرب من الشوبات وعجقة المدينة ويطلع على الجبل بدون ما يبعد كتير عن بيروت ويسردها بمطرح بطل على أجمل منظر بالبلد، هيدا المحل لإلكن.

الديكور كتير مهضوم وخرج تقضوا وقت هونيك مع رفقاتكن لما يكون عبالكن تغيروا جو.

كمان عند هل مطرح بقدموا أكل وشرب غير شكل، يعني بتاكلوا لقمة طيبة وقبالكن مناظر بترد الروح.

مش بس هيك، القعدة على وقت المغيب فوق الخيال ورح تشوفوا حالكن فوق الغيم ورواق على الآخر.

كمان بيعملوا حفلات موسيقية ومناسبات كتير مهضومة متل الstargazing أو مشاهدة النجوم لتجتمعوا مع أصحابكن ولي بتحبوهن.

ارتاحوا شوي على الكنبايات لتجربة مميزة، فيكن كمان تقعدوا على المخدات الملونين وتغمضوا عيونكن وتنسوا الدني.

قدي حلو؟ يعني ما لازم تخلص الصيفية من دون هيك تجربة بهيك مطرح !

جمعوا أصحابكن واعملوا حسابكن تزوروا آسترا، هل مطرح بيفتح من الخميس للأحد لتعرفوا عنو أكتر اتصلوا على 444 759 70

شوفوا كمان، ٥ محلات رومانسية على البحر بلبنان.