مهرجان طبرجا: أكل وموسيقى وألعاب وبسط وفرح (الدخول مجاني)

مين منكن مش عبالو الصيفية تخلص؟ إذا عم تحسوا إنو عبالكن بعد تنبسطوا وتضهروا وتتسلوا وإنو ما عبالكن ترجع الزربة بالبيوت، جايبينلكن خبرية كتير حلوة: مهرجان Street Festival بعدو عم يتنقل بلبنان وهل ويك-أند وصل على شوارع طبرجا وكفرياسين ومحضرلكن مفاجآت ما بتخلص.

يلا دوروا السيارة ومشوا على طبرجا رح تلاقوا المهرجان ناطركن. شو الحلو؟ إنو الدخول مجاني متل العادة، يعني بتصفوا سيارتكن وبتنزلوا تتمشوا وبتغيروا جو.

بلش المهرجان بمنطقة طبرجا ورح يضل لنهار الأحد من الساعة 5 بعض الضهر للساعة 12 نص ليل ورح يتضمن موسيقى، ألعاب ونشاطات للولاد ومطاعم ومحلات ومعارض فنية وأشغال حرفية بالإضافة لمنتوجات يدوية ومونة بلدية ومحلات أكسسوارات.

رح يكون في أكتر من 20 ستاند ومطعم، كل واحد رح يكون مخصص لشي ورح يكون في كل شي بيخطر على بالكن وأكيد أكل كتير طيب.

ومتل العادة الولاد عند حصة كبيرة أو ما يسمى ب Kids Zone مع ألعاب animation وعروض موسيقية وقصص كتير مهضومة. يعني ما عليكن غير تجيبوا ولادكن ع مهلرجان طبرجا وهني بيهتموا بكل شي خصو فين.

إذا بدكن تستفسروا أكتر عن مهرجان طبرجا تواصلوا مع فريق Street Festival على: 420 004 81

شوفوا كمان، ٤ محلات شاورما فتحت جديد بلبنان.