ست عربية وصلت للملايين بصوتها اللي بيشبه صوت فيروز

من منصة التيك توك للعالم العربي كلو، ست عربية وصلت للملايين بصوتها العذب اللي بيشبه صوت فيروز!

@donia_hr0 يخليلي هالصوت❤️ #فيروز #فيروزات #موسيقى #فن #قهوة #fairouz #music #fypシ #صوتي #عرب_تيك_توك ♬ original sound – Didi

هالست كل يوم الصبحيات بتحضّر ركوة القهوة مع بنتها، بيقعدوا على البلكون وبيغنوا على أغاني فيروز. ومن بعد إنتشار الفيديوهات على مواقع التواصل الإجتماعي، علّق آلاف من المشاهدين على الشبه القوي بين صوت الست وصوت فيروز الدهبي.

@donia_hr0 #البنت_الشلبية ❤️ #فيروز #فيروزات #موسيقى #فن #فنانين #عرب_تيك_توك #صوتي #fyp #music #fairouz #الخليج ♬ original sound – Didi

وعلّقت البنت على واحد من فيديوهات انو عيلة ستها بترجع أصولها لبيت حداد من لبنان، وعيلة السيدة فيروز حداد كمان، فشو أولكن، معقول تكون القرابة بعيدة؟

صوتها للست عندو نفس حنية صوت السيدة فيروز وعذوبته اللي فاتت على قلوب الناس كلها، وخلتنا نحسّ انو فيروز رجعت من أول وجديد! ومنقلها لهل الست العربية الموهوبة، يا ريتنا جيرانكن!

فيكن تابعوا آخر فيديوهاتكن للأم وبنتها على حسان على التيك توك هون.

شوفوا كمان، فيروز للعالم، خلونا نتذكر المرّات اللي تكرّمت فيها فيروز عالمياً