لبنان كسر ٢٦ رقم قياسي عالمي لموسوعة غينيس!

بتعرفوا انو لبنان عندو ٢٦ رقم قياسي عالمي لموسوعة غينيس؟ خلونا نتعرف عليهن بالمقال سوا!

1. أكتر رئيس وزراء معاد إنتخابه ( 1987)

رئيس الوزراء رشيد كرامة تم إعادة إنتخابه 8 مرات بين سنة ال 1958 و 1976. لتعرفوا أكتر، شوفوا الرابط هون.

2. أغلى قطعة ألماس فردية على شكل كمثري (Pear) (1990)

وهيدا 1 من 5 أرقام قياسية عالمية حققتها مجوهرات معوض، بأغلى قطعة ألماس فردية على شكل كمثرى سنة 1990 وكانت بقيمة 12.76 مليون دولار.

3. أقدم حرير عنكبوت بالعالم ( 2003)

لقى الباحث السويسري الدكتور سامويل زشوكه أقدم حرير عنكبوت بالعالم بضيعة جزين، وبيرجع تاريخها لأوائل العصر الطباشيري (اللي بيزيد عن 120 مليون سنة). ولتعرفوا اكتر، شوفوا هون.

4. أغلى صدرية بالعالم (2003)

وهيدا الرقم القياسي 2 من أصل 5 أرقام قياسية عالمية لمجوهرات معوض، مع أغلى صدرية سنة ال 2003 وكانت تبلغ قيمتها 11 مليون دولار وظهرت بعرض أزياء Victoria’s Secret.

5. أكبر جناح فندقي بالعالم (2008)

فندق غراند هيلز كان بيملك أكبر جناح فندقي بالعالم سنة ال 2008، وكانت مساحته 4131 متر مربع. شوفوا هون لمزيد من المعلومات.

6. أكبر حصة تقديم من الكبة (2009)

جمعية الميدان قدمت بال 2009 أكبر حصة كبة بالعالم وكان وزنها 233 كيلوغرام. لتعرفوا أكتر، إكبسوا هون.

7. أكبر صحن فتوش بالعالم (2010)

حققت بلدية قب الياس بسنة ال 2010 رقم قياسي عالمي لأكبر صحن فتوش بالعالم، وكان وزنه 4432,52 كيلوغرام. لتعرفوا أكتر، إكبسوا الرابط هون.

8. أكبر حصة تقديم فلافل بالعالم (2010)

وقتها الشيف رمزي كسر الرقم القياسي لأكبر حصة تقديم فلافل بالعالم بال 2010 وكان وزنها 5173 كيلوغرام. لتعرفوا أكتر، إكبسوا هون.

10. أغلى Handbag بالعالم (2010)

وهيدا 3 رقم قياسي عالمي حققه مجوهرات معوض، مع أغلى Handbag اللي كانت قيمتها 3.8 مليون دولار.

10. أكبر رقصة دبكة بالعالم (2011)

نظمت ساشا يعقوب أكبر رقصة دبكة سنة ال 2011، اللي تألفت من 5050 راقص. إكبسوا هون لكل التفاصيل.

11. أطول Drift مستمر لأي سيارة أو مركبة بالعالم (2013)

عبدو فغالي حقق هيدا الرقم القياسي العالمي بحلبة يس مارينا سيركيت بأبو ظبي، وكانت ل 11.18 متر. إكبسوا هون لتعرفوا أكتر.

12. أغلى سينسال بالعالم (2013)

كمان رقم قياسي عالمي تاني لمجوهرات معوض، وكان قيمته 55 مليون دولار.

13. أطول منقوشة بالعالم (2015)

تمكنت مدرسة أمجاد الثانوية من انو يعملوا أطول منقوشة بالعالم سنة ال 2015 ، بطول 31.97 متر. إكبسوا هون لمزيد من المعلومات. صورة بعدسة No Garlic No Onions.

14. أغلى صندوق للمجوهرات بالعالم (2016)

وهيدا 5 رقم قياسي حققته مجوهرات معوض، مع أغلى صندوق مجوهرات بال 2016 بقيمة 3.5 مليون دولار.

15.أكبر عدد من ال Car Donuts لنفس السائق (2017)

حقق ناجي بو حسن أكبر عدد من ال Car Donuts لنفس السائق بال 2017 ، وكان عددها 5. إكبسوا هون لمزيد من المعلومات.

16. أكبر عجلة روليت بالعالم (2017)

عمل كازينو دو لبنان أكبر عجلة روليت سنة 2017، بقياس 8.75 متر. إكبسوا هون لمزيد من المعلومات.

17. أطول خط من كاسات ال Shot بالعالم (2017)

عملت Nurai Beirut أطول خط من كاسات ال Shot بالعالم بال 2017، واللي تألفت من 21،800 كأس. شوفوا هون لمزيد من المعلومات.

18. أكبر عدد من المقابلات التلفزيونية بغضون 12 ساعة (2017)

أجرت داليا فريزر 43 مقابلة تلفزيونية خلال 12 ساعة سنة ال 2017. تمت المقابلات مباشرة على تلفزيون لبنان.شوفوا هون لتعرفوا أكتر.

19. أكبر مجموعة طوابع عليها سيارات بالعالم (2018)

نبيل كرم كسر الرقم القياسي لأكبر مجموعة من الطوابع التي تميزت بالسيارات عليها بال 2018، بمجموعة تتجاوز 3,333 طابعً إجمالاً. شوفوا هون لمزيد من المعلومات.

20. أطول كيك بوش دو نويل بالعالم (2018)

عمل نادي عشتروت ميفوق أطول كيك بوش دو نويل بالعالم وكان طوله 1,136.36 متر. شوفوا هون لمزيد من المعلومات.

21.أكبر مجموعة من الأوراق النقدية بالعالم (2019)

حقق وسام يوسف رقم قياسي عالمي لأكبر مجموعة من الأوراق النقدية بال 2019، بإجمالي 12,282 ورقة نقدية مختلفة. وكانت قيمتن مقدرة بـ 294,408.33 دولار وقتها. شوفوا هون لمزيد من المعلومات.

22. أطول تمثال من قناني البلاستيك بالعالم (2019)

عملت كارولين نجيب شبطيني أطول تمثال من قناني البلاستيك بال 2019، بارتفاع 28.1 متر. شوفوا هون لمزيد من المعلومات.

23. أكبر لوحة Street Art بالطبشور لفنان واحد (2021)

حقق جوفاني بسيل أكبر لوحة طبشور لفنان واحد سنة 2021 ، بمساحة 200 م². شوفوا هون لمزيد من المعلومات.

24. أكبر مرطبان مربى بالعالم ( 2022)

تمكن إيلي غنيم، نزار جرجس، ندى بوستاني، ويوري بيجاني من صنع أكبر مرطبان مربى بالعالم وزنه 1500.5 كيلو غرام بال 2022. إكبسوا هون لمزيد من المعلومات.

25. أسرع وقت لتحديد كل العضام البشرية (2022)

حققت بنان سلطان ناصر الدين أسرع وقت لتحديد جميع العضام البشرية بال 2022، وكان هالرقم القياسي خلال 5 دقايق و37 ثانية. شوفوا هون لمزيد من المعلومات.

26. أطول سندويشة لبنة بالعالم (2023)

كسرت كنيسة القديس شربل بمدينة أوتاوا رقمها القياسي لأطول سندويشة لبنة، مع وصول سندويشة المرقوق لحدود ال 30.5 متر. شوفوا هون لمزيد من المعلومات.

شوفوا كمان، الزيت اللبناني على عرش العالمية: ميدالية دهبية بمسابقة IOOC