معنى أسامي ٢٣ من الضيع الحدودية بجنوب لبنان

اليوم إطلعنا على جنوبنا الحلو، وتحديداً على الحدود اللبنانية والفلسطينية المحتلة. بهالمنطقة الساحرة بتلاقوا جبال، وديان، قمم عالية، ينابيع ميّ متدفقة، أحراش صنوبر و زيتون، وتنوع بيئي مميز. وكمان بتلاقوا بحضن هالطبيعة ضيع لبنانية زغيرة، ناسها طيبة وكرمى كتير، حاراتن قديمة، عيشتن بسيطة وحلوة، عاداتن وتراثن اللبناني بعدو محافظ عليه. ولنعبر عن حبّنا عن الجنوب وتحديداً عن هالضيع المنسية، مشوا نتعرف سوا على هالضيع ونشوف شو معاني اسامي الضيع الحدودية بجنوب لبنان.

1. بليدا (قضاء مرجعيون) : بيت المولود

2. حلتا (قضاء حاصبيا) : دلو، الوادي، الفاصل

3. حولا (قضاء مرجعيون) : المغارة، القوة

4. دير ميماس (قضاء مرجعيون) : دير القديس ماماس

5. رميش (قضاء بنت جبيل) : غروب الشمس

6. شبعا (قضاء حاصبيا): تدفق وفيضان الميّ

7. طير حرفا (قضاء صور) : مزرعة الخواريف

8. عديسة (قضاء مرجعيون) : العدس أو ميّ الينابيع المتدفقة

9. علما الشعب (قضاء صور) : كلمة علما بتعني العتمة أو المقبرة

10. عيتا الشعب (قضاء مرجعيون): كلمة عيتا بتعني كنيسة أو مجمع

11. عيترون (قضاء بنت جبيل) : العطر والريحة الحلوة

12. قانا (قضاء صور) : العش

13. القليعة (قضاء مرجعيون) :‏ تصغير لكلمة قلعة

14. كفرشوبا (قضاء حاصبيا) : قرية الحَر، الرجوع والانسحاب

15. كفركلاّ (قضاء مرجعيون) : قرية العرايس

16. مارون الراس (قضاء بنت جبيل) : مارون بتعني السيد والشريف

17. محيبب (قضاء مرجعيون) : العاشق

Retrieved from Majadel.com

18. مركبا (قضاء مرجعيون): المركبة والعرباية

19. مروحين (قضاء صور) : الفرج، أو الريحة الزكية

20. ميس الجبل (قضاء مرجعيون): ميس هو اسم شجر

Retrieved from Majadel.com

21. الناقورة (قضاء صور) : نقر أو الحفر بالجبل أو الصخر

22. يارون (قضاء بنت جبيل) : الخوف، شي مرتفع

23. ياطر (قضاء بنت جبيل) : الكترة والوفرة

خبرونا شو بعد بتعرفوا من الضيع الحدودية بجنوب لبنان؟

شوفوا كمان، جنوبنا الحلو، أجمل ٢٠ صورة من جنوب لبنان