مطاعم رومانسية ودافية تجربوها بجبيل هالشتوية

مدينة جبيل بتاريخها وآثارها وأسواقها جعلت منها مدينة الحب والرومانسية، صارت ملتقى العشاق ومحبوبة الكل. والمدينة عندها سحرها الخاص بالشتوية ما بيعرفوا إلا اللي بيزورها بهالوقت من السنة. نحنا قررنا نطلع ع جبيل ونخبركن عن ٥ مطاعم رومانسية بجبيل كلها كنكنة ودفى. 

1. Sapori E Vini

النبيد الأحمر، الباستا الإيطالية الكريمي، البيتزا ع الحطب، المأكولات البحرية، أطباق اللحوم الباردة، ومختلف السلطات الغنية ناطرتكن ع عشا رومانسي عند هالمطعم الإيطالي. عندن جو مليان دفى ورومانسية!

الرقم: 333 734 81 

2. Locanda La Granda

من أجمل المطاعم القديم بجبيل لتستمتعوا بجو كلاسيكي وقعدة رومانسية ع الأضوية الخافتة وبين الورود الحمر. بيقدملكن أطباق إيطالية أصيلة، ستيك، باستا، سلطة قريدس، وكتير قصص طيبة ع جو كلو كنكنة وحلاوة.

الرقم: 333 946 09

3. É Café، سوق جبيل

إذا عم تفتشوا ع قعدة كلاسيكية، أكل إيطالي، ستيك شهية، فوندو الجبنة الدايبة، لازم تجربوا إي كافيه بسوق جبيل. صدقونا عندو أجمل قعدة رومانسية، والجو المكنكن والكلاسيكي رح يحسسّكن بالدفى! 

الرقم: 316 163 03 

4. Sē

عبالكن تقضوا عشا رومانسي ودافي مع شموع وأكل إيطالي بحري بقلب أوضة قزاز ع الشط؟ مطعم سي بيقدملكن هالقعدة الساحرة مع أطيب المأكولات والمشروبات ناطرتكن ع منظر البحر بجبيل. 

الرقم: 333 111 81 

5. Plage Des Rois

ورود حمر مع منظر الشط بجبيل، في أحلى من هيك بشهر الحب؟

العشوات الرومانسية، الأجواء البحرية، والقعدة المكنكنة ع الشط كلها اجتمعت عند  Plage Des Rois بجبيل. 

الرقم: 051 810 71

حبيتوا شو إخترنالكن من مطاعم رومانسية دافية بجبيل؟

شوفوا كمان، ٥٠+ مطرح رومانسي لأجمل ليلة عيد الحب بلبنان