١٢ محل مخصص للعمل المشترك بلبنان!

عم تنبشوا عن مساحة عمل مشترك لتعملوا شغلكن وتستمتعوا بجو مريح وفيو كل شي؟ رح نعرفكن اليوم على بعض الخيارات لي حستساعدكن على زيادة إنتاجيتكن وين ما كنتوا بلبنان.

١. Servcorp Lebanon، وسط بيروت – سن الفيل

بقدم هالمحل مساحة للعمل المشترك وبوفر راحة البال من خلال خدماتو لي بقدمها بكل احترافية، وهوي مثالي لاجتماع فرق العمل مع المدرا أو الpartners. بالإضافة لتأمين مساحات عمل المشترك، بوفر كمان غرف للاجتماعات ومكاتب افتراضية متطورة.

الرقم: 700 957 01

٢. B Hive، الحمرا

واحد من مساحات العمل المشتركة لي مليانة حياة بمنطقة الحمرا، ولي رح تحمسكن على الشغل كتير. عندن مساحة اجتماعات واسعة مع إنترنت سريعة ومحيط حيوي، كل هالمنافع بينضاف لإلها إضاءة قوية وغرف عندها الprivacy تبعها. عندن كمان غرفة Skype مثالية للاجتماعات الزغيرة وللمكالمات عبر منصة Zoom.

الرقم: 351 355 01

٣. The Koozpace، يزرة

بيتميز هالمحل بتوفير كهربا وإنترنت شغالة عطول بالإضافة للمساحات المخصصة للرياضة والترفيه وحتى عندن بيسين، وهيك بصير الشغل عندن تجربة ممتعة. فيكن تحجزوا عندن بالشهر أو بالنهار وتستمتعوا بمزايا متل مواقف مجانية للسيارات ومي وقهوة ووجبات خفيفة ببلاش وضمن الpackage.

الرقم: 208 195 81

٤. The Olive Grove، الحمرا

مساحة مخصصة للمبدعين ورواد الأعمال ليزيدوا إنتاجيتن مجهزة بالكامل بمكاتب مختلفة الأحجام وغرف اجتماعات ومكاتب مثالية لفرق العمل.

الرقم: 881 409 71

٥. Diell’، الحمرا

بتقدم هالقهوة محل خاص ومريح فيكن تحجزوا للشغل والدرس وللاجتماعات الزغيرة. بوفر بيئة للعمل والدراسة مثالية لإلكن خاصةً بس تكونوا مش متحمسين وما عبالكن شبي وهيك بتتحمسوا مع قهوتن الطيبة والجو الحلو.

الرقم: 012 741 01

٦. The Submarine، شارع فنزويلا

بيتميز هالمحل المصمم بشكل مميز ببيروت بمساحة عمل فريدة من نوعها. بتتميز المساحة بإنها شرحة ومليانة ألوان، وهي مثالية للاجتماعات غير الرسمية أو للدرس، وعندن كمان غرفة للاجتماعات الرسمية والمؤتمرات.

الرقم: 223 828 76

٧. Chronicles، الفنار

بوفر هالمحل مساحة مخصصة للعمل مع مجموعات. وبجو مهضوم وحلو كتير أكيد فيكن تشتغلوا وتاكلوا شي خفيف وتطلبوا قهوة على ذوقكن.

الرقم: 937 610 81

٨. Antwork، القنطاري

بقدم هالمكان غرف عمل مشتركة ومكاتب خاصة وغرف اجتماعات ومكاتب معروضة للأجار. فيكن تحجزوا كمان المساحة المفضلة عندكن عبر تطبيقهن online.

الرقم: 300 759 01

٩. Onomatopoeia، الأشرفية

يعتبر هالمكان واحد من أكتر مساحات العمل المشتركة المتنوعة بقلب بيروت. بتتضمن المساحة محل للشغل والقعدة (قهوة ومساحة اجتماعات) ومدرسة موسيقى واستوديو بروفات للفرق وغرف متعددة الاستخدام (لجلسات الموسيقى ودروس خصوصية واجتماعات).

الرقم: 986 398 01

١٠. Park Innovation، الشوف

مساحة عمل مشتركة بتلاقوها بقلب السمكانية، بتتميز بتوفير الراحة والجو القريب على القلب وكل شي إنتو بحاجة لإلو لتشتغلوا منيح. من الإنترنت السوبر سريعة للكهربا لي بتجي 24/7، لقاعة للاجتماعات المتطورة، رح تصير مساحتكن المفضلة للعمل لأن أكتر من هيك إنتو بالشوف يعني رح فيكن تشربوا قرعة متة تونسوكن بوقت الشغل.

الرقم: 966 807 78

١١. Beirut Digital District، وسط بيروت

بوفر هالمحل مساحة خاصة مجهزة بالكامل بكل شي بتحتاجو. فيكن تختاروا تجتمعوا بمكاتبن المريحة أو تجتمعوا بالجنينة ع صوت العصافير بس يكون الطقس حلو.

الرقم: 941 660 01

١٢. HEXA Lebanon

فيكن تستأجروا عندن مكاتب خاصة، مكاتب زغيرة، غرف اجتماعات، وأماكن لإقامة networking events. والحلو ب هالمحل إنو فيكن تصفوا سيارتكن بالmall وتطلعوا وتستفيدوا من المطاعم الموجودة بوقت الغدا أو الترويقة.

العنوان: ABC Verdun، Spot Mall Choueifat
الرقم: 982 824 78

شوفوا كمان، ٥ بيوت ضيافة وأوتيلات بين التلوج بفقرا!