شو قصة آخر مسلسل لفادي ابراهيم يلي صوروا قبل ما يتوفى؟

غادرنا نجم الدراما اللبنانية الممثل القدير فادي ابراهيم على غفلة وترك ورا أعمال كتيرة ومميزة بتبقى مطبوعة بالذاكرة اللبنانية الجماعية. بس القدر ما سمحلوا يشوف آخر عمل لإلو مسلسل في “سر وقدر“. ويمكن عنجد موتو كان متل هالمسلسل “سر وقدر”.

“سر وقدر” كان بمثابة خاتمة مسك لمسيرة فنية استمرت 30 سنة. جسد فادي إبراهيم بهالمسلسل دور نايب ب البرلمان اتعرض لمحاولة اغتيال وما حدا بيعرف ملابسات العميلة يلي بتضل غامضة، وبيترك ورا مرته الشابة وبنتين زغار كتير.

بتخبر قصة المسلسل عن مرتو يلي بعدها صبية يلي بعد وفاة زوجها بتدخل بعلاقة جديدة مع مدير الشركة. بس مع الوقت بتنكشف أسرار من الماضي ما كانت متوقعة، وبتاخد الأحداث منحى درامي مشوق كتير.

كان من المفترض ينعرض مسلسل “سر وقدر” برمضان 2024، بس رحيل فادي ابراهيم المفاجئ وغيرها من الأمور أخرت عرضو وما عدنا عرفنا أيمتى رح ينعرض وكان من المفترض ينعرض على شاشة الLBC.

على الرغم من إنو بعد ما انعرض لحد هلق، مسلسل “سر وقدر” عم يحظى باهتمام كبير من الجمهور اللبناني والعربي، وخاصةً لأنو آخر عمل للراحل الكبير.

فادي ابراهيم، هالممثل القدير،حط إسمو بحروف من دهب بساحة الدراما اللبنانية، وترك بصمة خاصة ما بتتنسى بقلب قلوب محبينو. من خلال أدوارو المختلفة، تميز فادي إبراهيم بأسلوبو السلس و قدرتو على إنو يلعب كل شخصية بطريقة متقنة، وهيدا الشي خلا يصير من بين الممثلين المحبوبين عند كل الناس.

غادرنا فادي ابراهيم جسدياً، بس أعمالو رح تضل خالدة بالذاكرة، شاهدة على موهبتو الفريدة وإبداعو يلي ما بيخلص وما بيتكرر.

معلومات إضافية عن مسلسل “سر وقدر
الكاتبة:فيفيان أنطونيوس
الإنتاج: شركة “فينيكس بيكتشرز انترناشيونال”
المنتج: إيلي معلوف
إخراج: كارولين ميلان
الممثلون: فادي ابراهيم، رهف عبد الله، بيتر سمعان، وغيرن.

بالآخر، بيبقى مسلسل “سر وقدر” آخر هدية من فادي ابراهيم لجمهورو. عمل فريد في كتير مشاعر وأحاسيس، وصرنا كلنا ناطرين ينعرض ليبهر المشاهدين ويخلد ذكرى نجم ما في متلو.

شوفوا كمان، شو قصة المطار السري لي انهجر بلبنان؟